ମସ୍କୋ: ଋଷରେ କୋରୋନା ମହାମାରୀ ତାର ପ୍ରଭାବ ବିସ୍ତାର କରିଚାଲିଛି । କୋରୋନାରେ ସଂକ୍ରମଣ ମାମଲା ଦ୍ରୁତ ଭାବେ ଋଷରେ ମାଡିବାରେ ଲାଗିଛି । ଋଷରେ ଗତ 24 ଘଣ୍ଟାରେ 10598 ନୂଆ କୋରୋନା ମାମଲା ରେକର୍ଡ ହୋଇଛି । ଏହାକୁ ମିଶାଇ ଦେଶରେ ମୋଟ 262843 ରେ ପହଞ୍ଚିଛି ସଂକ୍ରମଣ ରିପୋର୍ଟ । ଏହି ସଂକ୍ରମଣ ରିପୋର୍ଟ ଅନୁସାରେ ବିଶ୍ବରେ ଦ୍ବିତୀୟ ରାଷ୍ଟ୍ର ହୋଇଛି ଋଷ ।
ନ୍ୟୁଜ୍ ଏଜେନ୍ସି ଜିନହୁଆ ଅନୁଯାୟୀ ମୃତ୍ୟୁ ସଂଖ୍ୟା 113 ବୃଦ୍ଧି ପାଇ ମୋଟ ମୃତ୍ୟୁ ସଂଖ୍ୟା 2,418 କୁ ବୃଦ୍ଧି ପାଇଥିବା ବେଳେ ଗତ 24 ଘଣ୍ଟା ମଧ୍ୟରେ 4,696 ଜଣ ଆରୋଗ୍ୟ ହୋଇଥିବା ବେଳେ ମୋଟ 58,226 ଜଣ ଆରୋଗ୍ୟ ହୋଇଛନ୍ତି ।
ଦେଶର ସବୁଠାରୁ ଅଧିକ ପ୍ରଭାବିତ ଅଞ୍ଚଳ ରାଜଧାନୀ ମସ୍କୋ ଗତ 24 ଘଣ୍ଟା ମଧ୍ୟରେ 4,748 ନୂତନ କୋରୋନା ସଂକ୍ରମଣ ରିପୋର୍ଟ ରେକର୍ଡ କରିଛି । ଏହି ସଂଖ୍ୟାକୁ ମିଶାଇ ମସ୍କୋରେ ମୋଟ 135,464ଜଣ କୋରୋନା ଆକ୍ରାନ୍ତ ହୋଇଛନ୍ତି ।