ଢାକା: କୋରୋନା ସଂକ୍ରମଣ ଜନିତ ଲକଡାଉନ ପାଇଁ ବଙ୍ଗୋପସାଗରରେ ବେସାହାରା ହୋଇ ପଡିଛନ୍ତି ଶହ ଶହ ରୋହିଙ୍ଗ୍ୟା ଶରଣାର୍ଥୀ । ବାଂଲାଦେଶ ଓ ମାଲେସିଆ ମଧ୍ୟରେ ଦୁଇ କିମ୍ବା ଦୁଇରୁ ଅଧିକ ଡଙ୍ଗାରେ ଏହି ଶରଣାର୍ଥୀମାନେ ଫସି ରହିଛନ୍ତି । ତେବେ ଦୁଇ ସପ୍ତାହ ଧରି ବଙ୍ଗୋପାସାଗରରେ ଅସହାୟ ହୋଇ ଦିନ କାଟିବା ପରେ ଶନିବାର ବାଂଲାଦେଶରେ ଦକ୍ଷିଣ ଉପକୂଳରେ ପହଞ୍ଚି 29 ଶରଣାର୍ଥୀ ଥିବା ଏକ ଡଙ୍ଗା ।
ସମୁଦ୍ର ପଥ ଦେଇ ବାଂଲାଦେଶ ପହଞ୍ଚିଲେ ରୋହିଙ୍ଗ୍ୟା ଶରଣାର୍ଥୀ - ବାଂଲାଦେଶରେ ରୋହିଙ୍ଗ୍ୟା ଶରଣାର୍ଥୀ
କୋରୋନା ସଂକ୍ରମଣ ଜନିତ ଲକଡାଉନ ପାଇଁ ବଙ୍ଗୋପସାଗରରେ ବେସାହାରା ହୋଇ ପଡିଛନ୍ତି ଶହ ଶହ ରୋହିଙ୍ଗ୍ୟା ଶରଣାର୍ଥୀ । ତେବେ ଦୁଇ ସପ୍ତାହ ଧରି ବଙ୍ଗୋପାସାଗରରେ ଅସହାୟ ହୋଇ ଦିନ କାଟିବା ପରେ ଶନିବାର ବାଂଲାଦେଶରେ ଦକ୍ଷିଣ ଉପକୂଳରେ ପହଞ୍ଚି 29 ଶରଣାର୍ଥୀ ଥିବା ଏକ ଡଙ୍ଗା ।
ସମୂଦ୍ର ପଥ ଦେଇ ବାଂଲାଦେଶ ପହଞ୍ଚିଲେ ରୋହିଙ୍ଗ୍ୟା ଶରଣାର୍ଥୀ
ଖବର ପାଇ ବାଂଲାଦେଶର ଶରଣାର୍ଥୀ କମିଶନର କାର୍ଯ୍ୟାଳୟ ପକ୍ଷରୁ ସମ୍ପୃକ୍ତ ଶରଣାର୍ଥୀଙ୍କ ସ୍ବାସ୍ଥ୍ୟ ପରୀକ୍ଷା କରାଯାଇଛି । ଏଥିପାଇଁ 10 ଜଣ ପୋଲିସ କର୍ମଚାରୀଙ୍କ ଏକ ଟିମ, ଡାକ୍ତର ଓ ଖାଦ୍ୟ ସାମଗ୍ରୀ ସେମାନଙ୍କ ପାଖରେ ପହଞ୍ଚାଇଯାଇଛି । ସେଠାରେ ସେମାନଙ୍କୁ ଉପଯୁକ୍ତ ଯତ୍ନ ନେବା ପାଇଁ ନିର୍ଦ୍ଦେଶ ଦିଆଯାଇଛି । ଏନେଇ ବାଂଲାଦେଶ ଶରଣାର୍ଥୀ କମିଶନରଙ୍କୁ ଖବର ଥିବା ବେଳେ ସେମାନଙ୍କ ସୁରକ୍ଷା ବ୍ୟବସ୍ଥା କରାଯାଉଥିବା ସେ ପ୍ରକାଶ କରିଛନ୍ତି । ସେ ଏହା ମଧ୍ୟ ପ୍ରକାଶ କରିଛନ୍ତି କି ଶନିବାର ବାଂଲାଦେଶ ଆସି ପହଞ୍ଚିଥିବା 29 ରୋହିଙ୍ଗ୍ୟା ଶରଣାର୍ଥୀଙ୍କ ମଧ୍ୟରେ 15 ଜଣ ମହିଳା ଓ 6 ଜଣ ଶିଶୁ ରହିଛନ୍ତି ।
ସୂଚନା ଅନୁଯାୟୀ ଏହି ଶରଣାର୍ଥୀମାନେ ସମୂଦ୍ର ପଥ ଦେଇ ମାଲେସିଆ ଯାଉଥିବା ବେଳେ କୋରୋନା ଲକଡାଉନ ପାଇଁ ସୀମା ସିଲ କରାଯାଇଥିଲା । ତଥାପି ମାଲେସିଆ ବେଆଇନ ଭାବେ ପ୍ରବେଶ ଉଦ୍ୟମ କରି ସେମାନେ ବିଫଳ ହୋଇଥିଲେ । ଶେଷରେ ଉପାୟଶୂନ୍ୟ ହୋଇ ବାଂଲାଦେଶ ପହଞ୍ଚିଛନ୍ତି । ୟେଉଁଠାରେ ପୂର୍ବରୁ ପ୍ରାୟ 1 ମିଲିୟନ ରୋହିଙ୍ଗ୍ୟା ଶରଣାର୍ଥୀ ବସବାସ କରୁଛନ୍ତି ।