ସିଓଲ: ଉତ୍ତର-ଦକ୍ଷିଣ କୋରିଆ ମଧ୍ୟରେ ବଢିବାରେ ଲାଗିଛି ତିକ୍ତତା । ଏନେଇ ମଙ୍ଗଳବାର ଉତ୍ତର କୋରିଆ ସୀମାନ୍ତବର୍ତ୍ତୀ କୈସଙ୍ଗ ସହରରେ ଥିବା ଅନ୍ତଃକୋରିଆନ ମିଳିତ ଯୋଗାଯୋଗ କାର୍ଯ୍ୟାଳୟକୁ ଉଡାଇ ଦେଇଥିବା ଜଣା ପଡିଛି । ଶାନ୍ତି ଚୁକ୍ତି ମୁତାବକ ଦକ୍ଷିଣ କୋରିଆ ନିଜ ପ୍ରତିଶୃତି ରଖିବାରେ ବିଫଳ ହେବାରେ ଉତ୍ତର କୋରିଆ ପ୍ରାୟ ଦୈନିକ ଆକ୍ରମଣର ଧମକ ଦେଇଆସୁଥିଲା ।
କିଛି ଦିନ ତଳେ ଉତ୍ତର କୋରିଆ ସର୍ବୋଚ୍ଚ ନେତା କିମ୍ ଜଙ୍ଗ ଉନଙ୍କ ଉଭଣୀ କିମ ୟୋ ଜଙ୍ଗ ସିଓଲ ଉପରେ ଆକ୍ରମଣ ନେଇ ଧମକ ଦେଇଥିଲେ । ଯାହା ମଙ୍ଗଳବାର ସତ୍ୟତାରେ ପରିଣତ ହୋଇଛି । ଦିନ ପ୍ରାୟ 2.49 ମିନିଟରେ ଉତ୍ତର କୋରିଆର ପ୍ୟୋଙ୍ଗ୍ୟାଙ୍ଗ ଏକ ବିସ୍ଫୋରଣରେ ଏହି କାର୍ଯ୍ୟାଳୟକୁ ଧ୍ବଂସ କରିଥିବା ଜଣା ପଡିଛି । ଏହାର କିଛି ସମୟ ପୂର୍ବରୁ ସୀମାରେ ବିସ୍ଫୋରଣର ଶବ୍ଦ ସହ ଧୂଆଁ ଦେଖିବାକୁ ମିଳିଥିବା ନେଇ ସେନା ପକ୍ଷରୁ ସୂଚନା ମିଳିଥିଲା ।