ମସ୍କୋ: ଦିନକୁ ଦିନ କୋରୋନାରେ ଋଷ ସ୍ଥିତି ଖରାପ ଆଡକୁ ଗତି କରୁଛି । ଏହାଭିତରେ ଏକ ଦୁଃଖଦ ଖବର ଆସିଛି । ସେଣ୍ଟ ପିଟର୍ସବର୍ଗ ସହରରେ ଅବସ୍ଥିତ ଏକ ଡାକ୍ତରଖାନାରେ ଅଗ୍ନିକାଣ୍ଡରେ ପାଞ୍ଚ ଜଣ କୋରୋନା ରୋଗୀଙ୍କର ମୃତ୍ୟୁ ଘଟିଛି । ସେଣ୍ଟ ଜର୍ଜ ହସ୍ପିଟାଲରେ ଭେଣ୍ଟିଲେଟରେ ଥିବା ପାଞ୍ଚ ଜଣ ରୋଗୀ ଅଗ୍ନିକାଣ୍ଡରେ ପ୍ରାଣ ହରାଇଛନ୍ତି । ଏହାପରେ ଏହି ନିଆଁକୁ ନିୟନ୍ତ୍ରଣ କରାଯାଇଛି।
ଋଷର ଜରୁରୀକାଳୀନ ମନ୍ତ୍ରଣାଳୟର ପ୍ରେସ ସେବା ଟାସ କହିଛି ଯେ ଏହା ହସ୍ପିଟାଲର ଦଶ ବର୍ଗ ମିଟର ପରିସରକୁ ଅକ୍ତିଆର କରି ନେଇଥିଲା । ଏବେ ସ୍ଥିତି ନିୟନ୍ତ୍ରଣାଧୀନ ରହିଛି ଏହା ସହିତ 150 ଜଣ ରୋଗୀଙ୍କୁ ଅନ୍ୟ ଏକ ଡାକ୍ତରଖାନାରୁ ସ୍ଥାନାନ୍ତର କରାଯାଇଛି ବୋଲି ସେ ସୂଚନା ଦେଇଛନ୍ତି ।