ବେଜିଂ: ଚୀନର ଉହାନ ସହରରୁ ସାରା ବିଶ୍ବରେ କୋରୋନା କାୟା ବିସ୍ତାର ହେତୁ ଏପର୍ଯ୍ୟନ୍ତ ଲକ୍ଷ ଲକ୍ଷ ଲୋକଙ୍କର ମୃତ୍ୟୁ ଘଟିଛି ଏବଂ ଲକ୍ଷ ଲକ୍ଷ ଲୋକ ସଂକ୍ରମିତ ହୋଇଛନ୍ତି । ଏଭଳି ସମୟର ଆଉ ଏକ ଖବର ବିଶ୍ବବାସୀଙ୍କୁ ଆତଙ୍କିତ କରିଛି । ଚାଇନାରେ ନ୍ୟୁ ସ୍ବାଇନ ଫ୍ଲୁ ନାମକ ଏକ ଭୂତାଣୁ ଦେଖିବାକୁ ମିଳିଛି ଯାହାପାଖରେ ମହାମାରୀର ରୂପ ଧାରଣ କରିବା ସମସ୍ତ ସମ୍ଭାବନା ଦେଖାଦେଇଛି ।
ଏହି ଭାଇରସ ଆବିଷ୍କାର ହେବା ପରେ, ଅନୁସନ୍ଧାନକାରୀଙ୍କ ସହ ସମଗ୍ର ବିଶ୍ବର ଲୋକମାନେ ଭୟଭୀତ ହୋଇପଡିଛନ୍ତି ଯେ ଏହି ନୂତନ ଭାଇରସ ସମଗ୍ର ବିଶ୍ବକୁ ଏକ ନୂଆ ବିପଦ ଆଡକୁ ଟାଣିନେବା ଭୟ ସମସ୍ତଙ୍କୁ ଘାରିଲାଣି । ଚୀନର ସେଣ୍ଟର ଫର ଡିଜିଜ କଣ୍ଟ୍ରୋଲ ଆଣ୍ଡ ପ୍ରୋବେସନ ୱେବସାଇଟରେ ବିଭିନ୍ନ ପ୍ରକାରର ରୋଗ ଏବଂ ସେଗୁଡିକୁ କିପରି ଏଡାଯାଇପାରିବ ସେ ସମ୍ବନ୍ଧରେ ନିର୍ଦ୍ଦିଷ୍ଟ ସୂଚନା ଉପଲବ୍ଧ ରହିଥାଏ । ଚୀନରେ ମିଳିଥିବା ସିଡିସିର ରିସର୍ଚ୍ଚର ମାନଙ୍କ ଦ୍ବାର ଏକ ନୂତନ ସ୍ବାଇନ୍ ଫ୍ଲୁ ଆବିଷ୍କୃତ ହୋଇଛି । ଅନୁସନ୍ଧାନକାରୀମାନେ ଦାବି କରିଛନ୍ତି ଯେ ନୂତନ ସ୍ବାଇନ ଫ୍ଲୁରେ ମହାମାରୀ ରୂପ ଧାରଣ କରିବାର ସମ୍ଭାବନା ରହିଛି ଏବଂ ଯଦି ଏହା ମଣିଷରେ ବ୍ୟାପିଯାଏ ତେବେ ଏହା ଭୟାନକ ବିପତ୍ତି ସୃଷ୍ଟି କରିବ ।