ମାନିଲା: ଫିଲିପାଇନ୍ସରେ ସେନା ବିମାନ ଦୁର୍ଘଟଣାରେ ମୃତ୍ୟୁସଂଖ୍ୟା ୪୫କୁ ବୃଦ୍ଧିପାଇଛି । ଅନ୍ୟପକ୍ଷେ ଭଗ୍ନାବଶେଷରୁ ୪୦ ଜଣଙ୍କୁ ଉଦ୍ଧାର କରାଯାଇଛି । ଏବେ ବି କିଛି ଜଣ ନିଖୋଜ ଥିବା ସୂଚନା ମିଳିଛି ।
ରବିବାର ଫିଲିପାଇନ୍ସରେ ଏକ ବଡ଼ ବିମାନ ଦୁର୍ଘଟଣା ହୋଇଛି । 92 ଜଣ ସୈନିକଙ୍କୁ ନେଇ ଉଡ଼ାଣ ଭରୁଥିବା ସାମରିକ ବିମାନ C-130 ଅବତରଣ ସମୟରେ ଦୁର୍ଘଟଣାଗ୍ରସ୍ତ ହୋଇଛି ଏବଂ ଏଥିରେ 45 ଜଣଙ୍କ ମୃତ୍ୟୁ ହୋଇଛି । ଏନେଇ ସୂଚନା ଦେଇଛନ୍ତି ଫିଲିପାଇନ୍ସର ସେନା ମୁଖ୍ୟ ସିରିଲିଟୋ ସୋବେଜାନା । ଜଳିଯାଇଥିବା ବିମାନରୁ ଏପର୍ଯ୍ୟନ୍ତ 40 ଜଣଙ୍କୁ ଉଦ୍ଧାର କରାଯାଇ ଚିକିତ୍ସା ପାଇଁ ହସ୍ପିଟାଲକୁ ପଠାଯାଇଛି ବୋଲି ଫିଲିପାଇନ୍ସର ସେନା ମୁଖ୍ୟ କହିଛନ୍ତି । 92 ଜଣଙ୍କ ମଧ୍ୟରେ 85 ସୈନିକ, 3 ପାଇଲଟ ଓ 5 ବିମାନ କର୍ମଚାରୀ ଥିବା ସୂଚନା ରହିଛି ।