ଦୁର୍ନୀତି ମାଲଲାରେ ନୱାଜ ଶରିଫଙ୍କ ଝିଅ ଗିରଫ

ମୁସଲିମ ଲିଗର ମଧ୍ୟ ନେତ୍ରୀ ମାରିୟମ ଶରିଫ ଗିରଫ । ମାରିୟମଙ୍କୁ ଗିରଫ କଲା ଏନଏବି ଅଧିକାରୀ । ଏନଏବି ନୋଟିସକୁ ଖାତିର ନକରି ସେ ପିତା ନୱାଜ ଶରିଫଙ୍କୁ ଭେଟିବାକୁ ଯାଇଥିଲେ ।

ଇସ୍‌ଲାମାବାଦ: ଦୁର୍ନୀତି ମାମଲାରେ ଗିରଫ ହେଲେ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀଙ୍କ ଝିଅ ମାରିୟମ ନୱାଜ ଶରିଫ। ସେ ମୁସଲିମ ଲିଗର ମଧ୍ୟ ନେତ୍ରୀ ଭାବେ କାର୍ଯ୍ୟ କରୁଥିଲେ ।

ମାରିୟମ ନୱାଜଙ୍କୁ ପାକିସ୍ତାନ ଏନଏବି ପକ୍ଷରୁ ଲାହୋର କୋଟ ଲାଖପଟ ଜେଲ ରୋଡରୁ ଗିରଫ କରାଯାଇଛି। ବାପା ନୱାଜ ଶରିଫଙ୍କୁ କୋଟ ଲାଖପଟ ଜେଲରେ ଦେଖା କରିବାକୁ ଯାଇଥିବା ବେଳେ ଗିରଫ ହୋଇଛନ୍ତି ମାରିୟମ ।

ଚୌଧୁରୀ ସୁଗାର ମିଲ ଦୁର୍ନୀତି ମାମଲାରେ ତାଙ୍କୁ ଏନଏବି ବ୍ୟକ୍ତିଗତ ଭାବେ ହାଜର ହେବାକୁ ନୋଟିସ କରିଥିଲା। କିନ୍ତୁ ସେ ନୋଟିସକୁ ବେଖାତିର କରି ନୱାଜଙ୍କୁ ଦେଖା କରିବାକୁ ଜେଲକୁ ଯାଇଥିଲେ। ଏହି ସମୟରେ ହିଁ ତାଙ୍କୁ ଏନଏବି ଅଧିକାରୀ ଗିରଫ କରିଛନ୍ତି ।