ହାନୋଇ: ଛୋଟ ଦେଶ ହେଲେ ବି ହୃଦୟ ବଡ । ମହାମାରୀ ସମୟରେ ନିଜ କ୍ଷମତା ନଦେଖି ଲୋକଙ୍କ ଆବଶ୍ୟକତାକୁ ଏହି ଦେଶ ଦେଇଛି ପ୍ରାଥମିକତା । ଫଳରେ ଅନେକ ଲୋକେ ପାଇପାରିଛନ୍ତି ମାସ୍କ ପରି ଅତ୍ୟାବଶ୍ୟକୀୟ ସାମଗ୍ରୀ । ଏ ହେଉଛି ଭିଏତନାମ । ଚୀନର ପଡୋଶୀ ରାଷ୍ଟ୍ର ହୋଇଥିଲେ ଗୁଣରେ ଏହା ଚୀନଠାରୁ ଢେର ଉପରେ । ଯେଉଁଥିପାଇଁ ଆମେରିକା ରାଷ୍ଟ୍ରପତି ବି ଏହାର ପ୍ରଶଂସା କରିବାକୁ ପଛାଇ ନାହାନ୍ତି ।
କୋରୋନା ଭୂତାଣୁର ଉତ୍ପତ୍ତିସ୍ଥଳ କୁହାଯାଉଥିବା ଚୀନ ଏବେ ସାରା ବିଶ୍ବରେ କୋରୋନାର ଚେର ଲମ୍ବାଇବା ପରେ ଏକ ପ୍ରକାର ନୀରବ ହୋଇଯାଇଛି । ସେପଟେ ଚୀନରେ ମଧ୍ୟ ବର୍ତ୍ତମାନ ଆଉ ଦେଖିବାକୁ ମିଳୁନାହିଁ କୌଣସି କୋରୋନା ମୃତ୍ୟୁ । ହେଲେ ଅନ୍ୟ କେତେକ ରାଷ୍ଟ୍ରରେ କୋରୋନା ନିଜ ମୃତ୍ୟୁ ତାଣ୍ଡବ ରଚୁଥିବା ବେଳେ ସାହାଯ୍ୟ ପାଇଁ ବି କହୁନାହିଁ ଚୀନ । ନା ଦେଉଛି ଡାକ୍ତରୀ ସହାୟତା ନା ଯୋଗାଉଛି ଅତ୍ୟାବଶ୍ୟକୀୟ ସାମଗ୍ରୀ ।