ୟାଙ୍ଗୋନ: ମିଆଁମାରରେ ଜେଡ ଖଣିରେ ହୋଇଥିବା ଭୂସ୍ଖଳନରେ ମୃତ୍ୟୁ ସଂଖ୍ୟା ବଢିବାରେ ଲାଗିଛି । ଗୁରୁବାର ସନ୍ଧ୍ୟା ସୁଦ୍ଧା ମୃତ୍ୟୁ ସଂଖ୍ୟା 160 ପାର କରିଥିବା ଜଣା ପଡିଛି । କାଚିନ ରାଜ୍ୟରେ ହୋଇଥିବା ଏହି ଭୂସ୍ଖଳନରେ ମୃତ୍ୟୁ ସଂଖ୍ୟା 162 ଛୁଇଁଥିବା କୁହାଯାଉଛି । ସେପଟେ ଆହୁରି ଅନେକ ଏଯାବତ୍ ନିଖୋଜ ରହିଥିବା ଜଣା ପଡିଛି ।
ଖଣି ସଂଗ୍ରହ କରୁଥିବା ସମୟରେ ଉପରୁ 304 ମିଟରରୁ ଉର୍ଦ୍ଧ୍ବ ଉଚ୍ଚ ଚଟ୍ଟାଣ ହଠାତ୍ ଭୁସୁଡି ପଡିଥିଲା । ଫଳରେ ଘଟଣାସ୍ଥଳରେ ଥିବା ଏକାଧିକ ଲୋକେ ଚଟ୍ଟାଣ ତଳେ ଚାପି ହୋଇଯାଇଥିଲେ । ଖବର ପାଇ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ମାଟି ଅତଡା ତଳୁ ଲୋକଙ୍କୁ ଉଦ୍ଧାର କରିଥିଲେ । ତେବେ ବର୍ଷା ଋତୁ ପାଇଁ ଏହି ଘଟଣା ଘଟିଥିବା କୁହାଯାଉଛି ।