ଜାମିନ ସର୍ତ୍ତ ଉଲ୍ଲଂଘନ: ନୱାଜ ଶରିଫ ପଳାତକ ଘୋଷିତ

ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନୱାଜ ଶରିଫଙ୍କୁ ଇମ୍ରାନ ସରକାର ପଳାତକ ଘୋଷିତ କରିଛନ୍ତି । ମେଡିକାଲ ରିପୋର୍ଟ ଦାଖଲ ନକରି ସେ ଜାମିନ ସର୍ତ୍ତ ଉଲ୍ଲଂଘନ କରୁଛନ୍ତି । ଫଳରେ ତାଙ୍କୁ ଫଳାତକ ଘୋଷିତ କରିଛନ୍ତି ପାକିସ୍ତାନ ସରକାର । ଅଧିକ ପଢନ୍ତୁ...

ଇସଲାମାବାଦ: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନୱାଜ ଶରିଫଙ୍କୁ ଇମ୍ରାନ ସରକାର ପଳାତକ ଘୋଷିତ କରିଛନ୍ତି । ଶରିଫ ବର୍ତ୍ତମାନ ଲଣ୍ଡନରେ ଚିକିତ୍ସିତ ହେଉଛନ୍ତି । ନୱାଜ ଲଣ୍ଡନରେ ଚିକିତ୍ସିତ ହେଉଥିବା ଡାକ୍ତରଙ୍କ ଠାରୁ ମେଡିକାଲ ରିପୋର୍ଟ ଦାଖଲ କରୁନଥିବା ଅଭିଯୋଗ ରହିଛି ।

ମେଡିକାଲ ରିପୋର୍ଟ ଦାଖଲ ନକରି ସେ ଜାମିନ ସର୍ତ୍ତ ଉଲ୍ଲଂଘନ କରୁଛନ୍ତି । ଫଳରେ ତାଙ୍କୁ ଫଳାତକ ଘୋଷିତ କରିଛନ୍ତି ପାକିସ୍ତାନ ସରକାର । ବୁଧବାର ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଅଧ୍ୟକ୍ଷତାରେ ସଙ୍ଘୀୟ କ୍ୟାବିନେଟ ବୈଠକରେ ଏହି ନିଷ୍ପତ୍ତି ନିଆଯାଇଛି ।

ଏହି ସୂଚନା ବୁଧବାର ସ୍ଥାନୀୟ ଗଣମାଧ୍ୟମରେ ପ୍ରକାଶ ହୋଇଥିଲା । ନୱାଜ ଶରିଫ ଚିକିତ୍ସା ପାଇଁ ଗତ ବର୍ଷ ନଭେମ୍ବର ମାସରୁ ଲଣ୍ଡନରେ ରହିଛନ୍ତି । ଲାହୋର ହାଇକୋର୍ଟଙ୍କ ମେଡିକାଲ ଆଧାର ନିର୍ଦ୍ଦେଶାନୁସାରେ ତାଙ୍କୁ 4 ସପ୍ତାହର ବିଦେଶ ଯିବା ପାଇଁ ଅନୁମତି ପ୍ରଦାନ କରାଯାଇଥିଲା ।