ନେପାଳ ବନ୍ୟା ଓ ଭୂସ୍କଳନରେ 90ମୃତ, 29 ନିଖୋଜ

ନେପାଳରେ ଭୟଙ୍କର ବନ୍ୟା ସାଙ୍ଗକୁ ଭୂସ୍କଳନରେ 90 ଜଣଙ୍କର ମୃତ୍ୟୁ ହୋଇଥିବା ବେଳେ ଏବେ ବି 29 ଜଣ ନିଖୋଜ ଅଛନ୍ତି ।

କାଠମାଣ୍ଠୁ: ବନ୍ୟା ସାଙ୍ଗକୁ ଭୂସ୍ଖଳନରେ ଥରଥର ନେପାଳ । ବଢିଚାଲିଛି ମୃତ୍ୟୁ ସଂଖ୍ୟା । ବର୍ତ୍ତମାନ ସୁଦ୍ଧା 90 ଜଣଙ୍କର ମୃତ୍ୟୁ ହୋଇଥିବା ବେଳେ 29 ଜଣ ନିଖୋଜ ଥିବାର କହିଛନ୍ତି ନେପାଳ ଗୃହମନ୍ତ୍ରୀ ।

ତେବେ ସରକାରଙ୍କ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଥିବା ବନ୍ୟା ପ୍ରଭାବିତ ଅଞ୍ଚଳକୁ ଅନବରତ ରିଲିଫ ପଠାଯାଉଛି । ତେବେ 3366 ଲୋକଙ୍କୁ ଦେଶ ବ୍ୟାପୀ ଉଦ୍ଧାର କରାଯାଇଛି । ବାଲାଂଦେଶରେ ମଧ୍ୟ ବର୍ଷା ପ୍ରଭାବରୁ ବନ୍ୟା ପରିସ୍ଥିତି ଉପଜୁଛି ।

ଏଥିସହ ଭାରତର ଆସାମ ଓ ବିହାରରେ ବନ୍ୟା ବିଭୀଷିକା ରଚିଛି । ଆସାମରେ 52 ଲକ୍ଷରୁ ଊର୍ଦ୍ଧ୍ବ ଲୋକ ପ୍ରଭାବିତ ହୋଇଥିବା ବେଳେ 4.5ମିଲିୟନ ଲୋକେ ପ୍ରଭାବିତ ହେବା ସହ 67 ଜଣଙ୍କ ମୃତ୍ୟୁ ହେଲାଣି ।