ବେଞ୍ଜିଂ: ଆଜି ପୁଣି ଚୀନରେ 22 ଜଣଙ୍କ ଜୀବନ ନେଲା କୋରୋନା । ଏହାସହ 40ଟି ନୂଆ ମାମଲା ସାମ୍ନାକୁ ଆସିଛି । ହୁବାଇରେ କୋରୋନା ଆକ୍ରାନ୍ତଙ୍କ ସଂଖ୍ୟା ସର୍ବାଧିକ ରହିଛି । ଏହି 22 ମୃତକଙ୍କ ମଧ୍ୟରୁ 21 ହୁବାଇର ବୋଲି ଜଣାପଡିଛି । ଏଯାବତ ଦେଶରେ ମୃତ୍ୟୁ ସଂଖ୍ୟା 3119 ଛୁଇଁଛି । ଏହି ରିପୋର୍ଟକୁ ଅନୁଧ୍ୟାନ କଲେ ଗତ ଜାନୁଆରୀ ଅପେକ୍ଷା ବର୍ତ୍ତମାନ ଧୀରେ ଧୀରେ ହ୍ରାସ ପାଉଛି ଆକ୍ରାନ୍ତ ତଥା ମୃତକଙ୍କ ସଂଖ୍ୟା ।
ମେନଲାଣ୍ଡ ଚାଇନରେ କୋରୋନା ଆକ୍ରାନ୍ତଙ୍କ ସଂଖ୍ୟା 80 ହଜାର 7 ଶହକୁ ଛୁଇଁଛି । ଗତ କିଛି ସପ୍ତାହ ଧରି ହୁବାଇରେ ହ୍ରାସ ପାଉଛି ଆକ୍ରାନ୍ତଙ୍କ ସଂଖ୍ୟା । ସୋମବାର ଚିହ୍ନଟ ହୋଇଥିବା ସମସ୍ତ ରୋଗୀ ଉହାନର ।