ଚୀନରେ ମାଡୁଛି କୋରୋନା, ଫେରିଲା ତାଲାବନ୍ଦ

ଚୀନରେ କୋଭିଡ ସ୍ଥିତି ଗମ୍ଭୀର ହେବାରେ ଲାଗିଛି । ଏହି ପରିସ୍ଥିତିରେ ଗତକାଲି(ଶୁକ୍ରବାର) ଚୀନ ସରକାର ଲକଡାଉନ ଘୋଷଣା କରିଛନ୍ତି । ଅଧିକ ପଢନ୍ତୁ

ବେଜିଂ:ବିଶ୍ବରେ ଥମିବାର ନାମ ନେଉନାହିଁ କୋରୋନା ପ୍ରକୋପ । ଚୀନରେ କୋଭିଡ ସ୍ଥିତି ଗମ୍ଭୀର ହେବାରେ ଲାଗିଛି । ଏହି ପରିସ୍ଥିତିରେ ଗତକାଲି(ଶୁକ୍ରବାର) ଚୀନ ସରକାର ଲକଡାଉନ ଘୋଷଣା କରିଛନ୍ତି । ୯୦ଲକ୍ଷରୁ ଉର୍ଦ୍ଧ୍ବ ଜନବସତି ରହିଥିବା ଚୀନର ଚାଙ୍ଗଚୁନରେ ଲକଡାଉନ ଘୋଷଣା କରାଯାଇଛି ।

୯୦ ଲକ୍ଷ ଲୋକଙ୍କୁ ଘର ଭିତରେ ରହିବାକୁ ନିର୍ଦ୍ଦେଶ ଦିଆଯାଇଛି । ଅତ୍ୟାବଶ୍ୟକ ସେବା ବ୍ୟତିତ ସମସ୍ତ ବ୍ୟବସାୟ ଏବଂ ଗମନାଗମନ ଉପରେ କଟକଣା ଲଗାଯାଇଛି । ଗତ ୨ ବର୍ଷ ଭିତରେ ସର୍ବାଧିକ ସଂକ୍ରମିତ ଚିହ୍ନଟ ହେବାପରେ ଚୀନ ସରକାର ପକ୍ଷରୁ ଏହିପରି ନିଷ୍ପତ୍ତି ନିଆଯାଇଛି ।

ଚୀନରେ ପୁଣି କୋରୋନା ଫେରିବା ପରେ ସରକାର କଠୋର ହୋଇଛନ୍ତି । ବଢୁଥିବା କୋରୋନା ସଂକ୍ରମଣକୁ ଦୃଷ୍ଟିରେ ରଖି ଚୀନ ସରକାର ଜିରୋ ଟଲେରାନ୍ସ ନୀତି ଗ୍ରହଣ କରିଛନ୍ତି । ସୂଚନା ଥାଉକି, ଗତକାଲି(ଶୁକ୍ରବାର)ଚୀନରେ ୩୯୭ ଜଣ ପଜିଟିଭ ଚିହ୍ନଟ ହୋଇଛନ୍ତି ।