ୱାଶିଂଟନ: ଆଫଗାନିସ୍ତାନକୁ ତାଲିବାନ କବଜା କରିବା ପରେ ଏବେ ସମସ୍ତ ଦେଶକୁ କାବୁଲ ବିମାନବନ୍ଦର ତୁରନ୍ତ ଛାଡିବାକୁ ଚେତାବନୀ ଦେଇଛି ତାଲିବାନ । ଯାହାର କଡା ଜବାବ ଦେଇଛନ୍ତି ଜି 7 ଦେଶ ସମୂହ । ଅଗଷ୍ଟ 31 ସୁଦ୍ଧା ଏହି ସମସ୍ତ ଦେଶ କାବୁଲ ବିମାନ ବନ୍ଦର ଖାଲି କରିପାରିବେନି ବୋଲି କହିଦେଇଛନ୍ତି । ସେପଟେ ତାଲିବାନ ସାମନାରେ ସର୍ତ୍ତ ରଖିଛନ୍ତି ଜି-7 ଦେଶ । ନିର୍ଦ୍ଧାରିତ ସମୟ ପରେ ବି ଆଫଗାନିସ୍ତାନରୁ ଯିବାକୁ ଚାହୁଁଥିବା ଇଚ୍ଛୁକ ନାଗରିକଙ୍କୁ ଦେଶ ଛାଡିବାକୁ ସମସ୍ତ ସୁବିଧା ଦିଆଯିବ ବୋଲି କହିଛି ଜି-7 ।
ବ୍ରିଟେନ ପ୍ରଧାନମନ୍ତ୍ରୀ ବୋରିସ ଜନସନ କହିଛନ୍ତି ଯେ ଆଫଗାନିସ୍ତାନରେ ଫସିଥିବା ନାଗରିକଙ୍କୁ ସୁରକ୍ଷିତ ଉଦ୍ଧାର କରିବା ପାଇଁ ଯେପରି ଯୋଜନା ପ୍ରସ୍ତୁତ କରାଯାଉଛି ଠିକ ସେହିପରି ତାଲିବାନ ସହ ସମ୍ପର୍କ ଯୋଡିବାକୁ ଆଲୋଚନା ହେବ । ଆଫଗାନିସ୍ତାନରେ ଯେପରି ପୁଣିଥରେ ଆତଙ୍କୀ ଜନ୍ମ ନହେବେ ସେଥିପାଇଁ ସମସ୍ତ ଦେଶ ମିଳିମିଶି ପ୍ରୟାସ କରିବେ । ନୂଆ ଆଫଗାନିସ୍ତାନରେ ଏବେ 18 ବର୍ଷ ପର୍ଯ୍ୟନ୍ତ ଝିଅମାନଙ୍କୁ ପାଠ ପଢିବାକୁ ସୁଯୋଗ ମିଳିବା ଉଚିତ । ଏହା ସହ ଅଗଷ୍ଟ 31 ପରେ ବି ଫସିଥିବା ନାଗରିକଙ୍କୁ ଦେଶ ଛାଡି ଯିବାକୁ ତାଲିବାନ ଅନୁମତି ଦେବାକୁ କହିଛନ୍ତି ବ୍ରିଟେନ ପ୍ରଧାନମନ୍ତ୍ରୀ ।