ବେଜିଂ: ଚୀନରେ ପୁଣି ଆରମ୍ଭ ହୋଇଯାଇଛି କୋରୋନା ସଂକ୍ରମଣ । ବେଜିଂରେ ସଂକ୍ରମିତ ମାମଲା ବଢିବାରେ ଲାଗିଛି । ଦିନେ ଯେଉଁଠି କୋରୋନା ମୂଳପୋଛ ହୋଇଯାଇଥିଲା ପୁଣି ସେଠାରେ ସଂକ୍ରମିତ ମାମଲାରେ ବଢିବାରେ ଦେଖି ସରକାର ପୁଣି କୋଠର ହୋଇଛନ୍ତି । ପ୍ରଶାସନ ତତ୍ପରତା ସହ ସଂକ୍ରମଣ ରୋକିବାକୁ ଉଦ୍ୟମ ଆରମ୍ଭ କରିଛନ୍ତି ।
ବୁଧବାର ବେଜିଂରେ 31 ଟି ନୂଆ ମାମଲା ରିପୋର୍ଟ ହୋଇଛି । ଚୀନରେ ଦ୍ବିତୀୟ ପର୍ଯ୍ୟାୟ ସଂକ୍ରମଣ ଆରମ୍ଭ ହୋଇଥିବା ଅଧିକାରୀମାନେ ଆଶଙ୍କା କରୁଛନ୍ତି । ବେଜିଂ ଛାଡି ନ ଯିବାକୁ ମଧ୍ୟ ପ୍ରଶାସନ ପକ୍ଷରୁ ଅନୁରୋଧ କରାଯାଇଛି । ସେହିପରି ବେଜିଂକୁ ଦୁଇ-ତୃତୀୟାଂଶ ବିମାନ ଉଡାଣକୁ ବାତିଲ କରାଯାଇଛି । ଏହା ସହ ସହରର ସମସ୍ତ ସ୍କୁଲକୁ ବନ୍ଦ ରଖାଯାଇଛି ।