ଢାକା: ବାଂଲାଦେଶରେ ବଢିବାରେ ଲାଗିଛି କୋରୋନା ସଂକ୍ରମଣ । ଏନେଇ ଦେଶକୁ ଆସିବାକୁ ଥିବା ସମସ୍ତ ଆଗନ୍ତୁକ ଯାତ୍ରୀଙ୍କ ଭିସା ରବ୍ଦ କରିଛି ବାଂଲାଦେଶ । ଆଗାମୀ ନିର୍ଦ୍ଦେଶ ପର୍ଯ୍ୟନ୍ତ ଏହି ନିୟମ ଲାଗୁ ରଖିବା ପାଇଁ ସରକାରୀ ସୂତ୍ରରୁ ପ୍ରକାଶ କରାଯାଇଛି । ଦେଶରେ କୋରୋନାର ସ୍ଥିତି ଗମ୍ଭୀର ହେବାରେ ଲାଗିଥିବାରୁ ଏପରି ନିଷ୍ପତ୍ତି ନିଆଯାଇଥିବା ଜଣା ପଡିଛି ।
ଏହି ନିୟମ ସାଧାରଣ ଯାତ୍ରୀଙ୍କ ପାଇଁ ଲାଗୁ କରାଯାଇଥିବା ବେଳେ ବିଦେଶୀ ପୁଞ୍ଜି ନିବେଶକ ଓ ବ୍ୟବସାୟୀଙ୍କୁ ଏଥିରୁ ବାଦ ଦିଆଯାଇଛି । ହେଲେ ଏଥିପାଇଁ ସେମାନଙ୍କୁ କାର୍ଯ୍ୟ ସମ୍ବନ୍ଧୀୟ କାଗଜପତ୍ର ଓ ସଠିକ୍ ପ୍ରମାଣପତ୍ର ଦେଖାଇବାକୁ ହେବ । ଏଥିସହ ସେମାନଙ୍କ ଡାକ୍ତରୀ ମଇନାର କାଗଜପତ୍ର ମଧ୍ୟ ଜମା କରିବାକୁ ହେବ । ତେବେ ଏହି ମଇନା ଯାତ୍ରାର 72 ଘଣ୍ଟା ପୂର୍ବରୁ ହୋଇଥିବା ଦରକାର ବୋଲି ସ୍ପଷ୍ଟ କରାଯାଇଛି ।