ନୂଆଦିଲ୍ଲୀ:ପିଜା ଭଳି ଅର୍ଡର କଲେ ଘରେ ଆସି ପହଞ୍ଚିବ ଆଧୁନିକ ହତିଆର AK-47 । ତେବେ ବ୍ୟସ୍ତ ହୁଅନ୍ତୁ ନାହିଁ ଏଭଳି ସୁବିଧା ଭାରତରେ ଉପଲବ୍ଧ ନାହିଁ । ଏହି ସୁବିଧା ବର୍ତ୍ତମାନ ପାକିସ୍ତାନରେ ଉପଲବ୍ଧ । ଏ କଥା ଆମେ କହୁନାହୁଁ ଖୋଦ ପାକିସ୍ତାନର ଏକ ଜଣାଶୁଣା ଟିଭି ଚ୍ୟାନେଲ ଏହି ରିପୋର୍ଟ ପ୍ରସାରଣ କରିଛି ।
ସୋସିଆଲ ମିଡିଆରେ ଖୁଲମଖୁଲା ଏହି ଭୟାନକ ବ୍ୟବସାୟ ଚାଲୁଛି । ଜଣେ ସୋସିଆଲ ମିଡିଆରୁ ନିଜ ପସନ୍ଦ ମୁତାବକ ହତିଆର ମଗେଇ ପାରିବେ । ଏହି ତାଲିକାରେ AK-47 ଭଳି ଆଧୁନିକ ହତିଆର ସାମିଲ ରହିଛି । ହତିଆର ପସନ୍ଦ ପରେ ଦିଆଯାଇଥିବା ନମ୍ବରରେ ସମ୍ପର୍କ କରି ଆରମ୍ଭ ହୁଏ ମୂଲଚାଲ । ମୂଲ୍ୟ ନିର୍ଦ୍ଧାରଣ ପରେ ଦୂରତା ମୁତାବକ ପିଜା ପହଞ୍ଚିବା ସମୟ ମଧ୍ୟରେ ବନ୍ଧୁକ ପାଖରେ ପହଞ୍ଚିଯାଏ । ଦୂରତା ଅଧିକ ଥିଲେ କିଛି ଦିନ ପରେ କୋରିଅରରେ ଆସି ବନ୍ଧୁକ ପହଞ୍ଚିଥାଏ ।