150 ପାକିସ୍ତାନୀ ଆତଙ୍କବାଦୀଙ୍କ ତାଲିକା ଜାରି କଲେ ଆଫଗାନ୍ ସରକାର

ଆଫଗାନିସ୍ତାନରେ ସକ୍ରିୟ 150 ରୁ ଅଧିକ ପାକିସ୍ତାନୀ ଆତଙ୍କବାଦୀଙ୍କ ଲିଷ୍ଟ ଜାରି କରିଛି ଆଫଗାନ୍ ସରକାର । ଅଧିକ ପଢନ୍ତୁ...

କାବୁଲ୍: ଆଫଗାନିସ୍ତାନରେ ସକ୍ରିୟ 150 ରୁ ଅଧିକ ପାକିସ୍ତାନୀ ଆତଙ୍କବାଦୀଙ୍କ ଲିଷ୍ଟ ଜାରି କରିଛି ଆଫଗାନ୍ ସରକାର । ହେଲମାଣ୍ଡ ଏବଂ କାନ୍ଦାହାର ପ୍ରଦେଶରେ ଆଫଗାନିସ୍ତାନ ସେନା ଦ୍ୱାରା କରାଯାଇଥିବା ଅପରେସନରେ ଏମାନେ ନିହତ ହୋଇଥିଲେ ।

ଆଫଗାନିସ୍ତାନ ଆଭ୍ୟନ୍ତରୀଣ ମନ୍ତ୍ରଣାଳୟ, ଆଫଗାନିସ୍ତାନ ସେନା ସହ ସଂଘର୍ଷରେ ନିହତ ହୋଇଥିବା ତାଲିବାନ ଆତଙ୍କବାଦୀଙ୍କ ତାଲିକା ପ୍ରକାଶ କରିଛି। ସେମାନଙ୍କ ଆକ୍ରମଣର ଜବାବରେ ଆଫଗାନିସ୍ତାନ ସେନା ଅପରେସନ କରି ହେଲମାଣ୍ଡ ଏବଂ କାନ୍ଦାହାର ପ୍ରଦେଶରେ ଅତି କମରେ 55 ତାଲିବାନ କମାଣ୍ଡରଙ୍କୁ ହତ୍ୟା କରାଯାଇଛି। ଏହାସହ ହେଲମାଣ୍ଡରେ 152 ପାକିସ୍ତାନୀ ଆତଙ୍କବାଦୀ ନିହତ ହୋଇଥିଲେ।

ମିଳିତ ଜାତିସଂଘ ସୁରକ୍ଷା ପରିଷଦର ଏକ ରିପୋର୍ଟ ଅନୁଯାୟୀ ଆଫଗାନିସ୍ତାନରେ ପ୍ରାୟ 6,500 ପାକିସ୍ତାନୀ ଆତଙ୍କବାଦୀ କାର୍ଯ୍ୟ କରୁଛନ୍ତି । ସେମାନଙ୍କ ମଧ୍ୟରୁ ଅଧିକାଂଶ ତେହେରିକ-ଇ ତାଲିବାନର ।