କାବୁଲ: ପିତାମାତାଙ୍କ ହତ୍ୟାକାରୀକୁ ମାରି ପ୍ରତିଶୋଧ ନେଲା ଝିଅ । 2 ଆତଙ୍କବାଦୀଙ୍କୁ ଜୀବନରୁ ମାରି ବଦଲା ନେଇଛି ଜଣେ ନାବାଳିକା । ତାଲିବାନୀ ସଙ୍ଗଠନର 2 ଆତଙ୍କୀଙ୍କୁ ହତ୍ୟା କରିବା ସହ ଅନେକଙ୍କୁ ଆହତ କରିଛି । ଘଟଣାଟି ଆଫଗାନିସ୍ତାନର ଘୋର ପ୍ରଦେଶର ଏକ ଗାଁରେ ଘଟିଛି । ଯାହାକି ଏବେ ଚର୍ଚ୍ଚାର ବିଷୟ ପାଲଟିଛି ।
ଗଲ୍ଫ ନ୍ୟୁଜ ମୁତବାକ ସରକାର ଏହି ଘଟଣା ଉପରେ ପୃଷ୍ଟି କରିଛନ୍ତି । ଗତ ସପ୍ତାହରେ ଘୋର ପ୍ରଦେଶର କମାର ଗୁଲଙ୍କ ଘରେ ପଶି ଆତଙ୍କବାଦୀ ତାଙ୍କ ବାପାଙ୍କୁ ଖୋଜାଖୋଜି କରିଥିଲେ । ଏନେଇ ସ୍ଥାନୀୟ ପୋଲିସ ମୁଖ୍ୟ ହବିବୁରାହମାନ ମଲେକଜଡା ଗଣମାଧ୍ୟମକୁ ସୂଚନା ଦେଇଛନ୍ତି । କମାରଙ୍କ ବାପା ସରକାରୀ ସମର୍ଥକ ହୋଇଥିବାକୁ ଆତଙ୍କୀବାଦୀ ତାଙ୍କୁ ଘରକୁ ଭିତରୁ ଘୋଷାଡି ଆଣିଥିଲେ । ଏହାକୁ ଯେତେବେଳେ ତାଙ୍କ ପତ୍ନୀ ବିରୋଧ କରିଥିଲେ, ତାଲିବାନ ଆତଙ୍କବାଦୀମାନେ ଏହି ଦମ୍ପତିଙ୍କୁ ନିଜ ଘର ବାହାରେ ହତ୍ୟା କରିଥିଲେ ବୋଲି ମଲେକଜଡା କହିଛନ୍ତି ।