କାବୁଲ: ଆଫଗାନିସ୍ତାନରେ ସୁରକ୍ଷାକର୍ମୀଙ୍କୁ ବଡ ସଫଳତା ମିଳିଛି । ଦେଶର ଉତ୍ତର ଫରୟାବ ପ୍ରଦେଶରେ ସୁରକ୍ଷାକର୍ମୀଙ୍କ ଦ୍ବାରା ଚଳାଯାଇଥିବା ଏକ ଅଭିଯାନ ସମୟରେ 46 ତାଲିବାନ ଆତଙ୍କବାଦୀ ନିପାତ ହୋଇଛନ୍ତି । ଘଟଣାରେ ଅନ୍ୟ 37 ଜଣ ଆହତ ହୋଇଥିବା ସୂଚନା ମିଳିଛି ।
ଆଫଗାନ ସେନାର କାର୍ଯ୍ୟାନୁଷ୍ଠାନରେ 46 ତାଲିବାନ ଆତଙ୍କବାଦୀ ନିପାତ
ଆଫଗାନିସ୍ତାନର ଉତ୍ତର ଫରୟାବ ପ୍ରଦେଶରେ ସୁରକ୍ଷାକର୍ମୀଙ୍କ ଦ୍ବାରା ଚଳାଯାଇଥିବା ଏକ ଅଭିଯାନ ସମୟରେ 46 ତାଲିବାନ ଆତଙ୍କବାଦୀ ନିପାତ ହୋଇଛନ୍ତି ।
ଆଫଗାନ ସେନାର କାର୍ଯ୍ୟାନୁଷ୍ଠାନରେ 46 ତାଲିବାନ ଆତଙ୍କବାଦୀ ନିପାତ
ଫରୟାବ ପ୍ରାନ୍ତର କ୍ବାଇସର ଜିଲ୍ଲା ଆଫଗାନିସ୍ତାନର ସୁରକ୍ଷାକର୍ମୀଙ୍କ ନିୟନ୍ତ୍ରଣରେ ଥିଲା । ଅନେକ ତାଲିବାନ ଗୋଷ୍ଠୀ ଶନିବାର ଜିଲ୍ଲାରେ ଆକ୍ରମଣ କରିଥିଲେ । ତେବେ ସୁରକ୍ଷାକର୍ମୀ ଏହାର ପାଲଟା ଜବାବ ଦେଇଥିଲେ । ସୁରକ୍ଷାକର୍ମୀଙ୍କ ଆକ୍ରମଣରେ 46 ତାଲିବାନ ଆତଙ୍କବାଦୀ ନିପାତ ହୋଇଥିବା ଆଫଗାନ ସେନାର ମୁଖପାତ୍ର ମହମ୍ମଦ ହାନିଫ ରେଜାଇ ସୂଚନା ଦେଇଛନ୍ତି ।
ଏହି ଆକ୍ରମଣରେ ତାଲିବାନର ଅନେକ ଉଚ୍ଚ-ସ୍ତରୀୟ ସଦସ୍ୟ ମଧ୍ୟ ଆହତ ହୋଇଥିବା ପ୍ରଦେଶ ସରକାର କହିଛନ୍ତି । ଏହି ଅଞ୍ଚଳରେ ତାଲିବାନଙ୍କ ବିରୋଧରେ ଅଭିଯାନ ଜାରି ରହିଛି । ଖୁବ ଶୀଘ୍ର ଏହି କ୍ଷେତ୍ରରେ ତାଲିବାନର ମୂଳତ୍ପୋଟନ ହେବ ବୋଲି ସରକାର କହିଛନ୍ତି । ସେପଟେ ଏନେଇ ତାଲିବାନ ପକ୍ଷରୁ କୌଣସି ପ୍ରତିକ୍ରିୟା ଆସିନାହିଁ ।