କାବୁଲ:ତାଲିବାନ ଆତଙ୍କବାଦୀଙ୍କ ଉପରେ ଭାରି ପଡିଛି ଆଫଗାନିସ୍ତାନର ସୁରକ୍ଷା ବଳ । ସୁରକ୍ଷା ବଳର ବିମାନ ଆକ୍ରମଣରେ ତାଲିବାନର 33 ଆତଙ୍କବାଦୀ ନିହତ ହୋଇଛନ୍ତି । ଦେଶର ବଲଖ ଅଞ୍ଚଳର କଲଦର ଓ ଶୋରଟେପା ଜିଲ୍ଲାରେ ଏହି ଆକ୍ରମଣ ହୋଇଛି ବୋଲି ଆଫଗାନିସ୍ତାନ ଆର୍ମିର ଜଣେ ମୁଖପାତ୍ର ସୂଚନା ଦେଇଛନ୍ତି ।
ତାଲିବାନ ଆତଙ୍କବାଦୀମାନେ ବୁଧବାର ଅପରାହ୍ନରେ ଗୋଟିଏ ସ୍ଥାନରେ ଏକାଠି ହୋଇଥିବା ସମ୍ପର୍କରେ ଆଫଗାନିସ୍ତାନକୁ ଖବର ମିଳିଥିଲା । ଏ ସମ୍ପର୍କରେ ଖବର ପାଇବା ପରେ ଆଫଗାନିସ୍ତାନ ସୁରକ୍ଷା କର୍ମୀମାନେ ବିମାନ ଆକ୍ରମଣ କରିଥିଲେ । ଏୟାରଷ୍ଟ୍ରାଇକ ଆକ୍ରମଣରେ 33 ଜଣ ଆତଙ୍କବାଦୀଙ୍କ ମୃତ୍ୟୁ ଘଟିଥିବାବେଳେ 19 ଜଣ ଗୁରୁତର ଆହତ ହୋଇଛନ୍ତି ।