କାବୁଲ: ଆଫଗାନିସ୍ତାନରୁ ଆମେରିକା ତା'ର ସେନା ପ୍ରତ୍ୟାହାର ପରେ ପୁଣି ଦେଶରେ ତାଣ୍ଡବ ରଚୁଛି ତାଲିବାନ । କିନ୍ତୁ ଏହାର ସଠିକ ଜବାବ ଦେଉଛି ଆଫଗାନିସ୍ତାନ ବଳ । ଗତ ୨୪ ଘଣ୍ଟାରେ ଆଫଗାନିସ୍ତାନ ସେନାଙ୍କ ଅପରେସନରେ ୯୦ ତାଲିବାନ ଓ ଅଲ-କଇଦା ଆତଙ୍କବାଦୀ ନିହତ ହେବା ସହିତ ୧୬ ଜଣ ଆହତ ହୋଇଥିବା ସୂଚନା ମିଳିଛି ।
ଗତ ସପ୍ତାହରେ ଆଫଗାନିସ୍ତାନ ଓ ତାଲିବାନ ମଧ୍ୟରେ ଭୀଷଣ ଯୁଦ୍ଧ ଦେଖିବାକୁ ମିଳିଥିଲା । ଆଫଗାନିସ୍ତାନ ସେନାର ଏହି ଅପରେସନରେ ତାଲିବାନ ରେଡ ୟୁନିଟ କମାଣ୍ଡର 'ମାୱଲାୱି ମୁବାରକ'ର ୯୪ ଜଣ ଆତଙ୍କବାଦୀ ନିହତ ହୋଇଛନ୍ତି । ଏହାସହିତ ୧୬ ଜଣ ଆହତ ହୋଇଛନ୍ତି ବୋଲି ଶୁକ୍ରବାର ଆଫଗାନିସ୍ତାନ ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି । ଆଫଗାନିସ୍ତାନର ଲଶକରଗଡରେ ଘଟିଥିଲା ଏହି ସଂଘର୍ଷ ।