କାବୁଲ: ଆଫଗାନିସ୍ତାନର ହେଲିକପ୍ଟର ଗନସିପ ଓ ଏୟାରଷ୍ଟ୍ରାଇକ ଆକ୍ରମଣରେ ୮୧ ଜଣ ତାଲିବାନ ଆତଙ୍କବାଦୀ ନିହତ ହୋଇଛନ୍ତି । ଦେଶର ଉତ୍ତର ବାଲ୍ଖ ଅଞ୍ଚଳରେ ରହିଥିବା ଆତଙ୍କବାଦୀଙ୍କ ଉପରେ ଫୋର୍ସ ଗତ ଶନିବାର ଆକ୍ରମଣ କରିଥିଲା । ଏ ସମ୍ପର୍କରେ ଆଫଗାନିସ୍ତାନ ଫୋର୍ସ ପକ୍ଷରୁ ସୂଚନା ଦିଆଯାଇଛି ।
ଆଫଗାନିସ୍ତାନ ଓ ତାଲିବାନ ଆତଙ୍କବାଦୀଙ୍କ ମଧ୍ୟରେ ସଂଘର୍ଷ ଲାଗି ରହିଛି । ଆଫଗାନିସ୍ତାନର କାଲଦର ଓ ଚାମତଲ ଜିଲ୍ଲାରେ ତାଲିବାନ ଆତଙ୍କବାଦୀ ରହିଥିବା ସମ୍ପର୍କରେ ଖବର ପାଇବା ପରେ ଫୋର୍ସ ଫାଇଟିଙ୍କ ବିମାନ ଯୋଗେ ଆକ୍ରମଣ କରିଥିଲା । ଫଳରେ ୮୧ ଜଣ ଆତଙ୍କବାଦୀଙ୍କ ମୃତ୍ୟୁ ଘଟିଥିବାବେଳେ ୪୩ ଜଣ ଆହତ ହୋଇଛନ୍ତି । ଆକ୍ରମଣ ପରେ ଘଟଣାସ୍ଥଳରେ ବିପୁଳ ମାତ୍ରାରେ ଅସ୍ତ୍ରଶସ୍ତ୍ର ଜବତ ହୋଇଛି । ଏହାସହିତ ୨ ଡର୍ଜନ ଗାଡି ଓ ମୋଟର ବାଇକ ଜବତ କରିଛି ସେନା ।