ବାଗଦାଦ୍: ଇରାକର ରାଜଧାନୀ ବାଗଦାଦ ନିକଟରେ ରକେଟ ଆକ୍ରମଣ ହୋଇଛି । ଏଥିରେ 3 ଶିଶୁଙ୍କ ସମେତ 2ଜଣ ମହିଳା ପ୍ରାଣ ହରାଇଛନ୍ତି। ଇରାକ ସୌନ୍ୟବାହିନୀ ପକ୍ଷରୁ କୁହାଯାଇଛି ଯେ ବାଗଦାଦ ଅନ୍ତର୍ଜାତୀୟ ବିମାନବନ୍ଦର ନିକଟରେ ଦୁଇଟି ରକେଟ ଏକ ଘରେ ମାଡ ହୋଇଥିଲା। ଯାହାଫଳରେ 5 ଜଣଙ୍କ ମୃତ୍ୟୁ ହୋଇଛି।
ଇରାକର ମିଳିତ ଅପରେସନ୍ କମାଣ୍ଡର ଗଣମାଧ୍ୟମ କାର୍ଯ୍ୟାଳୟ ସୂତ୍ରରୁ ପ୍ରକାଶ ଯେ , ଅପରାହ୍ନରେ ଇରାକ ରାଜଧାନୀର ଦକ୍ଷିଣ-ପଶ୍ଚିମ ଆଲବୁ-ଆମୀର ଅଞ୍ଚଳରେ ଆଉ ଏକ ଘରକୁ ରକେଟ ଧକ୍କା ଦେବା ସହ ଅନ୍ୟ ଦୁଇଜଣ ଶିଶୁ ଆହତ ହୋଇଛନ୍ତି।
ଏହି ବିବୃତ୍ତିରେ କୁହାଯାଇଛି ଯେ ନିକଟସ୍ଥ ଅଲ-ଜିହାଦ ପଡ଼ିଆରୁ "ଅପରାଧିକ ଗ୍ୟାଙ୍ଗ ଏବଂ ନିଷିଦ୍ଧ ଗୋଷ୍ଠୀ" ଦ୍ୱାରା ଏହି ରକେଟଗୁଡିକ ଉପରକୁ ଗୁଳି ଚଳାଯାଇଥିଲା। ଯାହା ଫଳରେ ଏହା ଘର ଉପରେ ମାଡ ହୋଇଥିଲା।