କାବୁଲ: ଆଫଗାନିସ୍ତାନ ଓ ତାଲିବାନ ମଧ୍ୟରେ ସ୍ବାକ୍ଷରିତ ଚୁକ୍ତି ଅନୁଯାୟୀ ଉଭୟ ରାଷ୍ଟ୍ର ମଧ୍ୟରେ ବନ୍ଦୀ ହସ୍ତାନ୍ତର ପ୍ରକ୍ରିୟା ଜାରି ରହିଛି । ହେଲେ ଏଭିତରେ ଅନେକ ଥର ଆଫଗାନ ଉପରେ ତାଲିବାନର ଆତଙ୍କୀ ଆକ୍ରମଣର ଘଟଣା ଦେଖିବାକୁ ମିଳିଛି । ଏମତିରେ ଗତ ସପ୍ତାହେ ମଧ୍ୟରେ ଆଫଗାନ ଉପରେ ତାଲିବାନ କରିଥିବା ଆକ୍ରମଣରେ 291 ଜଣ ଜବାନ ଶହୀଦ ହୋଇଛନ୍ତି । ଏଥିସହ 550 ଜବାନ ଏହି ଆକ୍ରମଣରେ ଆହତ ହୋଇଥିବା ଜଣା ପଡିଛି ।
ଆଫଗାନିସ୍ତାନରେ ଗୋଟିଏ ସପ୍ତାହରେ ରେକର୍ଡ ହୋଇଥିବା ଏହା ସର୍ବାଧିକ ସଂଖ୍ୟା ବୋଲି ଆଫଗାନ ସରକାର ସୂଚନା ଦେଇଛନ୍ତି । ସେପଟେ 2001 ମସିହାରେ ଦେଶ ଉପରେ ଆମେରିକା କରିଥିବା ଆକ୍ରମଣରେ ଶେଷ ଥର ଏତେ ସଂଖ୍ୟକ ଜବାନ ଶହୀଦ ହୋଇଥିବା ମଧ୍ୟ ସରକାର କହିଛନ୍ତି । ଏସମ୍ପର୍କରେ ଜାତୀୟ ସୁରକ୍ଷା ପରିଷଦ ମୁଖପାତ୍ର ଜାଭିଦ ଫୈଜଲ ସୂଚନା ଦେଇ କହିଛନ୍ତି କି ଗତ ସପ୍ତାହେ ମଧ୍ୟରେ ଆଫଗାନିସ୍ତାନର 34ରୁ 32ଟି ପ୍ରାନ୍ତରେ ତାଲିବାନ 422ଥର ଆକ୍ରମଣ କରିସାରିଛି । ଏଥିରେ 291 ଜଣ ଏଏନଡିଏସଏଫ ଓ ଅନ୍ୟ ସୁରକ୍ଷାକର୍ମୀ ଶହୀଦ ହୋଇଥିବା ବେଳେ 550ଜଣ ଜବାନ ଆହତ ହୋଇଛନ୍ତି ।