କାବୁଲ: ଆଫଗାନିସ୍ତାନର ରାଜଧାନୀ କାବୁଲରେ ଅଜଣା ବନ୍ଧୁକଧାରୀର ଅତର୍କିତ ଆକ୍ରମଣରେ ଅନୁନ୍ୟ 23 ଜଣଙ୍କ ମୃତ୍ୟୁ ଘଟିଛି । ଘଟଣାରେ ଅନ୍ୟ 33 ଜଣ ଗୁରୁତର ଆହତ ହୋଇଥିବା ଜଣା ପଡିଛି । ଶୁକ୍ରବାର କାବୁଲରେ ଏକ ସାଧାରଣ କାର୍ଯ୍ୟକ୍ରମ ଚାଲୁଥିବା ବେଳେ ଏହି ଆକ୍ରମଣ ହୋଇଥିଲା ।
ଶୁକ୍ରବାର ହିଜବ-ଇ ୱାହଦତ ଦଳର ନେତା ଅବଦୁଲ ଅଲି ମଜାରୀଙ୍କ 25 ତମ ଶ୍ରାଦ୍ଧବାର୍ଷିକୀ ଅବସରରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ଆଫଗାନିସ୍ତାନର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଅବଦୁଲ୍ଲା ଅବଦୁଲ୍ଲା ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ । ଅବଦୁଲ୍ଲାଙ୍କ ବ୍ୟତୀତ ପୂର୍ବତନ ରାଷ୍ଟ୍ରପତି ହମିଦ କରଜାଇ, ଦ୍ବିତୀୟ ଉପମୁଖ୍ୟ କାର୍ଯ୍ୟନିର୍ବାହୀ ଅଧିକରୀ ମହମ୍ମଦ ମୋହାକ୍ ଏବଂ ଅନ୍ୟାନ୍ୟ ରାଜନେତା ମଧ୍ୟ ଏହି କାର୍ଯ୍ୟକ୍ରମେ ଉପସ୍ଥିତ ଥିଲେ ।