ଆଖି ବୁଜିଲା 19 ବର୍ଷୀୟ ବିଶ୍ବର ପ୍ରସିଦ୍ଧ ପାଣ୍ଡା

ମଙ୍ଗଳବାର ଚୀନର ଚିୟାଙ୍ଗ ମାଇ ଚିଡିଆଖାନାରେ ଥିବା ବିଶାଳକାୟ ପୁରୁଷ ପାଣ୍ଡା ଚୁଆଙ୍ଗ ଚୁଆଙ୍ଗର 19 ବର୍ଷରେ ମୃତ୍ୟୁ ହୋଇଛି।

ବେଜିଂ: ଚୀନରୁ ଥାଇଲାଣ୍ଡ ଅଣାଯାଇଥିବା ବିଶାଳକାୟ ପୁରୁଷ ପାଣ୍ଡା ଚୁଆଙ୍ଗ ଚୁଆଙ୍ଗ ଶେଷରେ ଆଖି ବୁଜିଛି। ମଙ୍ଗଳବାର ଚିୟାଙ୍ଗ ମାଇ ଚିଡିଆଖାନାରେ 19 ବର୍ଷ ବୟସରେ ତାର ମୃତ୍ୟୁ ଘଟିଛି ।

ତେବେ ଚୁଆଙ୍ଗ ଚୁଆଙ୍ଗକୁ 2003ରେ ଚୀନରୁ ଥାଇଲାଣ୍ଡ ଅଣାଯାଇଥିଲା । ସେଠାରେ ତାକୁ ଏକ ମହିଳା ପାଣ୍ଡା ଲିନ ହୁଇ ସହ ଚିଡିଆଖାନାରେ ରଖିଯାଇଥିଲା । ଏହାପରେ 2009ରେ ଲିନ ହୁଇ ଗର୍ଭଧାରଣ କରିଥିଲା । ଯାହାପରେ ଥାଇଲାଣ୍ଡରେ ପାଣ୍ଡାଙ୍କ ସଂଖ୍ୟା ବହୁମାତ୍ରାରେ ବଢିଥିଲା ।

ମାଇ ପାଣ୍ଡାଙ୍କୁ ଗର୍ଭଧାରଣା କରାଇବାରେ ଚୁଆଙ୍ଗ ଚୁଆଙ୍ଗ ସାରା ବିଶ୍ବରେ ପ୍ରସିଦ୍ଧ ଥିଲା । ଏହାସହ ତାକୁ 2023 ମସିହାରେ ପୁର୍ନବାର ଚୀନକୁ ନେବାର ଯୋଜନା ଥିଲା । ତେବେ ତା’ର ମୃ୍ତ୍ୟୁ ପରେ ଅନେକ ଟ୍ବିଟ କରି ନିଜର ଦୁଃଖ ବ୍ୟକ୍ତ କରିଛନ୍ତି।