ଆଫଗାନିସ୍ତାନ ସେନାକୁ ବଡ ସଫଳତା, 17 ତାଲିବାନ ଆତଙ୍କବାଦୀ ନିପାତ

ଗୁରୁବାର ମଧ୍ୟରାତ୍ରିରେ ଆଫଗାନିସ୍ତାନ ସୁରକ୍ଷାକର୍ମୀଙ୍କ ଆକ୍ରମଣରେ ଅନ୍ୟୁନ୍ୟ 17 ତାଲିବାନ ଆତଙ୍କବାଦୀ ନିପାତ ହୋଇଥିବା ଆଫଗାନ ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି ।

କାବୁଲ: ତାଲିବାନ ବିରୋଧରେ ଲଢୁଥିବା ଆଫଗାନିସ୍ତାନ ସେନାକୁ ଶୁକ୍ରବାର ବଡ ସଫଳତା ମିଳିଛି । ଗୁରୁବାର ମଧ୍ୟରାତ୍ରିରେ ଆଫଗାନିସ୍ତାନ ସୁରକ୍ଷାକର୍ମୀଙ୍କ ଆକ୍ରମଣରେ ଅନ୍ୟୁନ୍ୟ 17 ତାଲିବାନ ଆତଙ୍କବାଦୀ ନିପାତ ହୋଇଥିବା ଆଫଗାନ ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି । ଏହି ଆକ୍ରମଣରେ ଅନ୍ୟ 20 ଆତଙ୍କବାଦୀ ଆହତ ହୋଇଥିବା ଜଣାପଡିଛି ।

ପ୍ରତିରକ୍ଷା ମନ୍ତ୍ରାଳୟର ସୂଚନା ଅନୁଯାୟୀ, ଗୁରୁବାର ମଧ୍ୟରାତ୍ରିରେ ଆଫଗାନିସ୍ତାନ ପାକଟିକା ପ୍ରାନ୍ତର ସାଜୋବାଇ ଜିଲ୍ଲାରେ ତାଲିବାନ ଆତଙ୍କବାଦୀ ସୁରକ୍ଷାକର୍ମୀଙ୍କ ଉପରକୁ ଆକ୍ରମଣ କରିଥିଲେ । ଯାହାର ପାଲଟା ଜବାବରେ ସୁରକ୍ଷାକର୍ମୀ ମାନେ 17 ଆତଙ୍କବାଦୀଙ୍କୁ ନିପାତ କରିଥିଲେ । ତେବେ ଏଥିରେ ଆଫଗାନିସ୍ତାନ ସେନାର ଜଣେ ଯବାନ ମଧ୍ୟ ନିହତ ହୋଇଥିବା ସୂଚନା ରହିଛି । ଏହା ବ୍ୟତୀତ 2 ଜଣ ଅନ୍ୟ ଯବାନ ଆହତ ହୋଇଛନ୍ତି ।