ହନୋଇ: ଭିଏତନାତରେ ଲଗାଣ ବର୍ଷାରେ ଅଥୟ ହୋଇଛି ଜନଜୀବନ । ପ୍ରବଳ ବର୍ଷା ହେବାରୁ ବନ୍ୟା ସହ ଭୂସ୍କଳନ ପରିସ୍ଥିତି ସୃଷ୍ଟି ହୋଇଛି । ପ୍ରାକୃତିକ ବିପର୍ଯ୍ୟୟରେ 130 ଜଣଙ୍କ ପ୍ରାଣ ଯାଇଥିବା ବେଳେ 18 ଜଣ ନିଖୋଜ ଥିବା ସୂଚନା ଦେଇଛି ପ୍ରାକୃତିକ ବିପର୍ଯ୍ୟୟ ପରିଚାଳନା ବିଭାଗ ।
କେନ୍ଦ୍ରୀୟ ପ୍ରାକୃତିକ ବିପର୍ଯ୍ୟୟ ନିରାକରଣ ଏବଂ ନିୟନ୍ତ୍ରଣ ପରିଚାଳନା କମିଟି କହିବା ଅନୁସାରେ କ୍ବାଙ୍ଗ ଟ୍ରାଇ, ଥୁଆ ଥିନ ହୁଇ ଏବଂ କ୍ବାଙ୍ଗ ନାମ ଅଞ୍ଚଳରେ ଅଧିକାଂଶଙ୍କ ମୃତ୍ୟୁ ହୋଇଛି । ଏବେ ସୁଦ୍ଧା 130 ଜଣଙ୍କ ପ୍ରାଣ ଯାଇଥିବା ବେଳେ 18 ଜଣଙ୍କ କିଛି ଖୋଜ ଖବର ମିଳିନାହିଁ । ବନ୍ୟା ପରିସ୍ଥିତି ପାଇଁ 1500ହେକ୍ଟର ଚାଷ ଜମି ସହ 7 ହଜାର 8ଶହ ହେକ୍ଟରରୁ ଅଧିକ ଫସଲରେ ବନ୍ୟା ପାଣି ମାଡି ଯିବାରୁ ସବୁ ନଷ୍ଟ ହୋଇଯାଇଥିବା କମିଟି ପକ୍ଷରୁ ସୂଚନା ମିଳିଛି ।