ନୂଆଦିଲ୍ଲୀ: ବାର୍ଦ୍ଧକ୍ୟ ଠିକଣା ନୁହେଁ କିମ୍ବା ଠିକଣାରେ ପହଞ୍ଚିଵା ବାର୍ଦ୍ଧକ୍ୟ ନୁହେଁ ବୋଲି ପ୍ରମାଣ କରିଛନ୍ତି 100 ବର୍ଷୀୟା ବୃଦ୍ଧା। ଦୀର୍ଘ 1 ମାସ ମେଡିକାଲରେ ରହି କୋରୋନା ସହିତ ଲଢେଇ କରି ଶେଷରେ ଜିତିଥିବା ଏହି ଶତାୟୁଙ୍କ ସାମ୍ନାରେ ବାର୍ଦ୍ଧକ୍ୟ ଓ ମହାମାରୀ ହାର ମାନିଛି।
କାମଟିନ୍ ନାମକ ଏହି ମହିଳା ଦେଶର ସବୁଠୁ ବୟସ୍କ କୋଭିଡ -19 ରୋଗୀ ଥିଲେ। ଯେତେ ବେଳେ ତାଙ୍କ ଠାରୁ କମ ବୟସର ଲୋକମାନେ ମହାମାରୀରେ ପରାଜୟ ହୋଇ ମୃତ୍ୟୁର ଦ୍ବାରଦେଶରେ ପହଁଞ୍ଚୁଥିଲେ ସେ ସମୟରେ ଏହି ବୃଦ୍ଧାଙ୍କ ଆରୋଗ୍ୟ ଲାଭ ସମସ୍ତଙ୍କ ପାଇଁ ଆଶ୍ଚର୍ଯ୍ୟର ଵିଷୟ।
ସୂଚନା ଅନୁସାରେ, ବୃଦ୍ଧା ଜଣକ ଏପ୍ରିଲ 13 ରେ ଜ୍ୱର ଓ କାଶ ପାଇଁ ସୁରବାୟାସ୍ଥିତ ପୋର୍ଥ ସ୍ୱାସ୍ଥ୍ୟ କେନ୍ଦ୍ର (PHC)ଭର୍ତ୍ତି ହୋଇଥିଲେ। ଏବଂ ଗୋଟିଏ ଦିନ ପରେ ସ୍ବାବ ପରୀକ୍ଷା କରାଯାଇଥିଲା। ଏପ୍ରିଲ୍ 28 ରେ, ଡାକ୍ତରମାନେ ସେ କୋଭିଡ୍ -19 ପାଇଁ ପଜିଟିଭ୍ ଥିବା ସୂଚନା ଦେଇଥିଲେ।