ସାନ୍ ଫ୍ରାନ୍ସିସ୍କୋ: ଆମେରିକାରେ ଜର୍ଜ ଫ୍ଲୋଏଡଙ୍କ ମୃତ୍ୟୁରେ କରାଯାଉଥିବା ବିକ୍ଷୋଭକୁ ସମର୍ଥନ କରି ଗୁଗୁଲ ଓ ୟୁଟ୍ୟୁବ ରବିବାର ନିଜ ନିଜର ହୋମ ପେଜରେ କଳା ରିବନ ପ୍ରଦର୍ଶନ କରିଛନ୍ତି ।
ଗୁଗୁଲ ନିଜ ହୋମ ପେଜରେ ବାର୍ତ୍ତାରେ କହିଛି, ‘ଆମେ ଜାତିଗତ ସମାନତାକୁ ସମର୍ଥନ କରୁଛୁ ଓ ଯେଉଁମାନେ ଏହା ପାଇଁ କାମ କରୁଥିବା ବ୍ୟକ୍ତିଙ୍କ ପାଇଁ ମଧ୍ୟ ଆମର ସମର୍ଥନ ରହିବ ।’ ଏହା ସହ ସମାନ ବାର୍ତ୍ତା ମଧ୍ୟ ଗୁଗୁଲ ମାଲିକାନାରେ ଥିବା ୟୁଟ୍ୟୁବର ହୋମପେଜରେ ରଖାଯାଇଥିଲା ।
ଆଲଫାବେଟ ଓ ଗୁଗୁଲ ସିଇଓ ସୁନ୍ଦର ପିଚାଇ ଟ୍ବିଟ କରି କହିଛନ୍ତି, ‘ଆଜି ଆମେରିକାର ଗୁଗୁଲ ଓ ୟୁଟ୍ୟୁବ ହୋମ ପେଜରେ ଆମେ କଳା(ନିଗ୍ରୋ) ସମ୍ପ୍ରଦାୟ ସହିତ ଏକତା ଓ ସମର୍ଥନ ଜଣାଉଛି । ଜର୍ଜ ଫ୍ଲୋଏଡ, ବ୍ରିଓନା ଟେଲର, ଓମଡ ଆର୍ବେରୀ ଓ ଯେଉଁମାନେ ସ୍ବର ଉତ୍ତୋଳନ କରିବାରେ ବିଫଳ ହୋଇଛନ୍ତି ସେମାନଙ୍କ ପାଇଁ ଆମର ସମର୍ଥନ ଜାରି ରହିବ ।’ ପିଚାଇ ଆହୁରି ମଧ୍ୟ କହିଛନ୍ତି, ‘ଏଥିପାଇଁ ଦୁଃଖ, କ୍ରୋଧ ଓ ଭୟ ଅନୁଭବ କରୁଥିବା ବ୍ୟକ୍ତିମାନେ ଏକା ନୁହଁନ୍ତି । ଆମେ ସେମାନଙ୍କ ସହ ରହିଛୁ ।’
ସୂଚନାଯୋଗ୍ୟ, ଗତ ସପ୍ତାହରେ ଜଣେ ପୋଲିସ ଆଫ୍ରିକୀୟ-ଆମେରିକୀୟ ଜର୍ଜ ଫ୍ଲୋଏଡଙ୍କୁ ମିନିଏପଲିସରେ ବେକକୁ ଚାପି ହତ୍ୟାକରିଥିଲେ । ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଆମେରିକାର ଷ୍ଟେଟ ବିରୋଧ ପ୍ରଦର୍ଶନ କରିଥିଲେ । ପୂର୍ବ ଉପକୂଳରେ ନ୍ୟୁୟର୍କରୁ ଆରମ୍ଭ କରି ପଶ୍ଚିମରେ ଲସ୍ଆଞ୍ଜେଲସ୍ ପର୍ଯ୍ୟନ୍ତ ଚାଲିଥିବା ଏହି ଦଙ୍ଗା ଦେଶରେ ଆଲୋଡନ ସୃଷ୍ଟି କରିଥିଲା ।
@IANS