ୱାଶିଂଟନ: ବିଶ୍ବବାସୀଙ୍କ ଆଖିରୁ ନିଦ ହଜାଇଛି କୋରୋନା। ଏହି ମହାମାରୀର ମୁକାବିଲା କରିବା ଦୌଡରେ ଅଣନିଶ୍ବାସୀ ହୋଇଗଲେଣି ବିଶ୍ବ ସମୂହ। ପୂରା ଦମରେ ଅଣ୍ଟା ଭିଡି କୋରୋନା ଯୁଦ୍ଧ ଲଢି ସମସ୍ତେ ଦରମରା ହୋଇଗଲେଣି। କଳ,ବଳ ଓ କୌଶଳ ସବୁ କିଛି ଏହି ଅଦୃଶ୍ୟ ମହାମାରୀ ପଛରେ ଲଗାଯାଇଛି। ହେଲେ ଏହାକୁ ପ୍ରତିହତ କରିବାକୁ ସମସ୍ତ ପ୍ରଚେଷ୍ଟା ଅସଫଳ। ଯାହା ବର୍ତ୍ତମାନ ଚିନ୍ତା ଓ ଉଦବେଗର ବିଷୟ।
ଏହି ଭାଇରସର କୋପରେ ସବୁଠୁ ଭୟଙ୍କର ପରିସ୍ଥିତି ଦେଇ ଗତି କରୁଛି ଆମେରିକା। ପ୍ରତିଦିନ ବଢୁଛି ସଂକ୍ରମିତଙ୍କ ସଂଖ୍ୟା ଓ ଗଡୁଛି ହଜାର ହଜାର ମୁଣ୍ଡ। ରୋକିବାକୁ ଚେଷ୍ଟା କରି ମଧ୍ୟ ନାଚାର ଆମେରିକା ସରକାର।