484 ମିଲିୟନ ଡଲାରର ରିଲିଫ ବିଲ ପାସ କରିବ ୟୁଏସ ହାଉସ

ଯୁକ୍ତରାଷ୍ଟ୍ର ଆମେରିକାରେ ଧିରେ ଧିରେ କୋରୋନା ଆକ୍ରାନ୍ତଙ୍କ ସଂଖ୍ୟା କମିବାରେ ଲାଗିଛି ସତ ହେଲେ ସୁଧୁରିନି ପରିସ୍ଥିତି । ଏମିତି ପରିସ୍ଥିତିରେ 484 ମିଲିୟନ ଡଲାରର ରିଲିଫ ବିଲ ପାସ କରିପାରେ ୟୁଏସ ହାଉସ ।

ୱାଶିଂଟନ: ଯୁକ୍ତରାଷ୍ଟ୍ର ଆମେରିକାରେ ଧିରେ ଧିରେ କୋରୋନା ଆକ୍ରାନ୍ତଙ୍କ ସଂଖ୍ୟା କମିବାରେ ଲାଗିଛି ସତ ହେଲେ ସୁଧୁରିନି ପରିସ୍ଥିତି । ବ୍ୟବସାୟ ବନ୍ଦ ଯୋଗୁଁ ଅନେକ ଏବେ ବି ବେରୋଜଗାର । କାହା ପାଖରେ ରହିବାକୁ ଘର ନାହିଁ ତ କାହା ପାଖରେ ଖାଦ୍ୟର ଅଭାବ । ଏମିତି ପରିସ୍ଥିତିରେ 484 ମିଲିୟନ ଡଲାରର ରିଲିଫ ବିଲ ପାସ କରିପାରେ ୟୁଏସ ହାଉସ ।

ପରିସ୍ଥିତି ଅଣାୟତ୍ତ ହେବାରୁ ୟୁଏସ ହାଉସର ଶତାଧିକ କର୍ମଚାରୀ ପୁନର୍ବାର କାର୍ଯ୍ୟରେ ଯୋଗ ଦେଇଛନ୍ତି । ତେବେ ଗତ ମଙ୍ଗଳବାର ଏହି ବିଲ ସିନେଟରେ ପାସ ହୋଇ ସାରିଛି । ବର୍ତ୍ତମାନ ଏହା ୟୁଏସ ହାଉସରେ ଗୃହିତ ହୋଇଛି । ଯାହାକୁ ନେଇ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହି ବିଲକୁ ଖୁବଶୀଘ୍ର ସ୍ବାକ୍ଷରିତ କରି ପାସ କରିବାକୁ ପ୍ରତିଶୃତି କରିଛନ୍ତି । ଏହାକୁ ମିଶାଇ ବର୍ତ୍ତମାନ ସୁଦ୍ଧା ଆମେରିକାରେ 3 ଟ୍ରିଲିୟନ ଡଲାରର ବିଲ ପାରିତ ହେବ । ତେବେ ଏହା ଏଯାବତ୍‌ ପାସ ହେବାକୁ ଥିବା ଚତୁର୍ଥ ରିଲିଫ ବିଲ ।

ଏହି ଅର୍ଥ ରାଶି ମୁଖ୍ୟତଃ କ୍ଷୁଦ୍ର ଶିଳ୍ପ, ବ୍ୟବସାୟ ଓ ଡାକ୍ତରଖାନାମାନଙ୍କ ପାଇଁ ଖର୍ଚ୍ଚ ହେବ । ତେବେ କେବଳ ଟ୍ରମ୍ପ ନୁହେଁ ବିରୋଧ ମଧ୍ୟ ଦେଶର ଆର୍ଥିକ ସ୍ଥିତି ଦେଖି ଚିନ୍ତା ପ୍ରକଟ କରିଛନ୍ତି ଓ ବଜାର ଯଥା ଶୀଘ୍ର ଖୋଲିବା ପାଇଁ ଆଶା କରିଛନ୍ତି ।