ୱାଶିଂଟନ୍: ପୁଣିଥରେ ବୁଧବାର ଆମେରିକା ପାଇଁ ଅତ୍ୟନ୍ତ ଖରାପ ବୋଲି ପ୍ରମାଣିତ ହୋଇଛି । ଗତ 3 ଦିନ ଧରି ଆମେରିକାରେ କୋରୋନା ଭାଇରସ ଆକ୍ରାନ୍ତଙ୍କ ସଂଖ୍ୟାରେ ହ୍ରାସ ଘଟିଥିଲା, କିନ୍ତୁ ଗତ 24 ଘଣ୍ଟା ମଧ୍ୟରେ 30 ହାଜର 206ଟି ନୂଆ ସଂକ୍ରମଣ ମାମଲା ରେକର୍ଡ ହୋଇଛି। ଯୁକ୍ତରାଷ୍ଟ୍ରରେ କ୍ରମାଗତ ଦ୍ୱିତୀୟ ଦିନ ମୃତ୍ୟୁ ରେକର୍ଡ କରାଯାଇଥିଲା ଏବଂ ବୁଧବାର ଦିନ ମଧ୍ୟ 2 ହଜାର 600 ଲୋକ ସଂକ୍ରମଣ ହେତୁ ପ୍ରାଣ ହରାଇଛନ୍ତି ।
କୋଭିଡ-19 ଅପଡେଟ: 24 ଘଣ୍ଟାରେ ଆମେରିକାରେ 2600 ମୃତ
ବିଶ୍ବରେ ଆତଙ୍କ ଖେଳାଇଥିବା କୋରୋନା ଭାଇରସରେ ସବୁଠୁ ବେଶି ପ୍ରଭାବିତ ହୋଇଛି ଆମେରିକା । ଏଠାରେ 24 ଘଣ୍ଟାରେ ଅହେତୁକ ଭାବେ ବୃଦ୍ଧି ପାଉଛି ଆକ୍ରାନ୍ତ ଓ ମୃତକଙ୍କ ସଂଖ୍ୟା । ଅଧିକ ପଢନ୍ତୁ....
ଗତ 24 ଘଣ୍ଟାରେ ଆମେରିକାରେ 2600 ମୃତ
ଯୁକ୍ତରାଷ୍ଟ୍ରରେ କୋରୋନା ମାମଲା ବର୍ତ୍ତମାନ 6 ଲକ୍ଷ 44 ହଜାର 089କୁ ବୃଦ୍ଧି ପାଇଥିବାବେଳେ 28 ହଜାର 529 ଲୋକ ପ୍ରାଣ ହରାଇଛନ୍ତି । ଏହି ଭାଇରସ ଦ୍ୱାରା ନ୍ୟୁୟର୍କ ସବୁଠାରୁ ଅଧିକ ପ୍ରଭାବିତ ହୋଇଛି ଏବଂ ଏଠାରେ 10,000 ରୁ ଅଧିକ ମୃତ୍ୟୁ ରେକର୍ଡ କରାଯାଇପାରିବ ।
ସ୍ୱାସ୍ଥ୍ୟ ବିଶେଷଜ୍ଞଙ୍କ କହିବାନୁସାରେ, ଆମେରିକାରେ ମୃତ୍ୟୁ ସଂଖ୍ୟା ବୃଦ୍ଧି ପାଉଛି, ଏହାକୁ ବ୍ୟାଖ୍ୟା କରିବା ଉଚିତ ନୁହେଁ ଯେ, ସାମାଜିକ ଦୂରତ୍ୱର ସୂତ୍ର କାମ କରୁନାହିଁ । ଏହି କାରଣରୁ, ନ୍ୟୁୟର୍କର ଅବସ୍ଥା ସାମାନ୍ୟ ଭଲ ଏବଂ କମ୍ ଆକ୍ରାନ୍ତ ପୂର୍ବ ଅପେକ୍ଷା ଭେଣ୍ଟିଲେଟର ଆବଶ୍ୟକ କରୁଛନ୍ତି । ନ୍ୟୁଜ୍ ଏଜେନ୍ସି ରଏଟର୍ସ ଅନୁଯାୟୀ ଆମେରିକାରେ ହାରାହାରି ମୃତ୍ୟୁ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି। ପୂର୍ବ ସପ୍ତାହର ରବିବାର ଏବଂ ସୋମବାର ପ୍ରାୟ 1500 ଥିଲା ଏବଂ ଏହି ସପ୍ତାହ ଆରମ୍ଭରେ, 3 ଦିନ ପାଇଁ ପ୍ରାୟ 2000 ଥିଲେ । ବର୍ତ୍ତମାନ ଏହା 2 ଦିନ ପାଇଁ କ୍ରମାଗତ ଭାବରେ 2500 ପାଖାପାଖି ରହୁଛି ।