ଟ୍ରମ୍ପଙ୍କ ପ୍ରତିକ୍ରିୟା ବଦଳାଇଲା ଦେଶରେ କୋରୋନାର ଗତି

ସର୍ବପ୍ରଥମେ ଜାନୁଆରୀ ମାସରେ ଯେବେ ଚୀନରୁ ଆସିଥିବା ଜଣେ କୋରୋନା ଆକ୍ରାନ୍ତ ବ୍ୟକ୍ତି ୱାଶିଂଟନ ପହଞ୍ଚିଥିଲେ ସେହି ସମୟରେ ଗଣମାଧ୍ୟମକୁ ସୂଚନା ଦେଇ ଟ୍ରମ୍ପ କହିଥିଲେ କି ପରିସ୍ଥିତି ନିୟନ୍ତ୍ରଣାଧିନ ରହିଛି । ହେଲେ ଆମେରିକାର ସ୍ଥିତି ଏବେ କାହାକୁ ଅଛପା ନୁହେଁ । ଅଧିକ ପଢନ୍ତୁ...

ୱାଶିଂଟନ: କୋରୋନା ପ୍ରଭାବରେ ଆମେରିକାର ଅବସ୍ଥା ଏବେ କାହାକୁ ଅଛପା ନୁହେଁ । ବର୍ତ୍ତମାନ ସୁଦ୍ଧା ଏଠାରେ 5ଲକ୍ଷରୁ ଉର୍ଦ୍ଧ୍ବ ଲୋକେ ଆକ୍ରାନ୍ତ ହୋଇଥିବା ବେଳେ ଗଡିଛି ପ୍ରାୟ 22 ହଜାର ମୁଣ୍ଡ । ସେପଟେ ଏଥିରେ ନିଜ ଦୋଷ ସ୍ବୀକାର କରିବାକୁ ନାରାଜ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । କିନ୍ତୁ ଏହି କଥାକୁ ଟାଳି ହେବ ନାହିଁ କି ପରିସ୍ଥିତି ଆରମ୍ଭରେ ଟ୍ରମ୍ପଙ୍କ ପ୍ରତିକ୍ରିୟା ହିଁ ଆଜି ଦେଶର ଅବସ୍ଥା ପାଇଁ ଦାୟୀ ।

ସର୍ବପ୍ରଥମେ ଜାନୁଆରୀ ମାସରେ ଯେବେ ଚୀନରୁ ଆସିଥିବା ଜଣେ କୋରୋନା ଆକ୍ରାନ୍ତ ବ୍ୟକ୍ତି ୱାଶିଂଟନ ପହଞ୍ଚିଥିଲେ ସେହି ସମୟରେ ଗଣମାଧ୍ୟମକୁ ସୂଚନା ଦେଇ ଟ୍ରମ୍ପ କହିଥିଲେ କି ପରିସ୍ଥିତି ନିୟନ୍ତ୍ରଣାଧିନ ରହିଛି । ସମ୍ପୃକ୍ତ ବ୍ୟକ୍ତି ଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି, ଏଥିସହ ତାଙ୍କର ଚିକିତ୍ସା ଜାରି ରହିଛି । ଚିନ୍ତା କରିବାର କୌଣସି ଆବଶ୍ୟକତା ନାହିଁ ।

ଯଦି ସେହି ସମୟରେ ସଂକ୍ରମଣର ଗଭୀରତାକୁ ବୁଝି ଆବଶ୍ୟକୀୟ ପଦକ୍ଷେନ ନିଆଯାଇଥାନ୍ତା ତାହେଲେ ହୁଏତ ବଞ୍ଚି ଯାଇଥଆନ୍ତା ଅନେକ ନିରୀହ ଜୀବନ । ଏହି ସମୟ ସୁଦ୍ଧା ଦେଶରେ ପରିସ୍ଥିତିର ମୁକାବିଲା ପାଇଁ ଆବଶ୍ୟକୀୟ ଚିକିତ୍ସା ସାମଗ୍ରୀ, ଔଷଧ, ସଂକ୍ରମଣ ରୋକିବାରେ ଆବଶ୍ୟକ ମାସ୍କ ଓ ସାନିଟାଇଜର ଅଛି କି ନାହିଁ ବୋଲି ମଧ୍ୟ ସ୍ଥିତିର ସମୀକ୍ଷା ହୋଇ ନଥିଲା । ଯାହା ଆଗକୁ ଆସୁଥିବା ବିପଦ ପାଇଁ ରାଷ୍ଟ୍ରପତିଙ୍କ ଆଭିମୁଖ୍ୟକୁ ବେଶ ସ୍ପଷ୍ଟ କରିଥିଲା ।