ୱାଶିଂଟନ: ଚୀନରୁ ସୃଷ୍ଟ କୋରୋନା ଏବେ ଆମେରିକାରେ ତାଣ୍ଡବ ରଚୁଛି । ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବ୍ୟକ୍ତିଗତ ସହାୟକଙ୍କ ଠାରେ କୋରୋନା ଚିହ୍ନଟ ପରେ ଏବେ ଆମେରିକାର ଉପରାଷ୍ଟ୍ରପତି ମାଇକ ପେନ୍ସଙ୍କ ପ୍ରେସ ସେକ୍ରେଟାରୀ ମଧ୍ୟ କରୋନା ପଜିଟିଭ୍ ବୋଲି ଜଣାପଡିଛି । ଏହିପରି ହ୍ବାଇଟ ହାଉସ୍ କମ୍ପ୍ଲେକ୍ସରେ କାର୍ଯ୍ୟ କରୁଥିବା ଆଉ ଜଣେ କୋରୋନା ଦ୍ୱାରା ସଂକ୍ରମିତ ହୋଇଥିଲେ ।
କ୍ବାରେଣ୍ଟାଇନରେ ହ୍ବାଇଟ ହାଉସର ତିନି ସଦସ୍ୟ - ଆମେରିକାରେ ତାଣ୍ଡବ ରଚୁଛି କୋରୋନା
ହ୍ବାଇଟ ହାଉସ୍ କମ୍ପ୍ଲେକ୍ସରେ କାର୍ଯ୍ୟ କରୁଥିବା ଆଉ ଜଣେ କୋରୋନା ଦ୍ୱାରା ସଂକ୍ରମିତ ହେବା ପରେ ହ୍ବାଇଟ ହାଉସରେ ତିନିଜଣ ସଦସ୍ୟଙ୍କୁ କ୍ବାରେଣ୍ଟାଇନରେ ରଖାଯାଇଛି । ଏଥିରୁ ସ୍ପଷ୍ଟ ହୋଇଛି ଯେ ଆମେରିକାର ସୁରକ୍ଷିତ ବିଲ୍ଡିଂରେ କାର୍ଯ୍ୟ କରୁଥିବା କର୍ମଚାରୀମାନେ ମଧ୍ୟ ସୁରକ୍ଷିତ ନୁହଁନ୍ତି। ଅଧିକ ପଢନ୍ତୁ...
କୋରୋନାରେ ଆମେରିକା ବେହାଲ, ହ୍ବାଇଟ ହାଉସରେ ତିନି ସଦସ୍ୟ କ୍ବାରେଣ୍ଟାଇନ
ଏବେ ଆମେରିକାର ରାଷ୍ଟ୍ରପତି ତାଙ୍କ କାର୍ଯ୍ୟାଳୟ ହ୍ବାଇଟ ହାଉସରେ ତିନିଜଣ ସଦସ୍ୟଙ୍କୁ କ୍ବାରେଣ୍ଟାଇନରେ ରଖିଛନ୍ତି । କାରଣ ଏହି ତିନିଜଣ ସଦସ୍ୟ କୋରୋନା ସଂକ୍ରମିତ ରୋଗୀଙ୍କ ସଂସ୍ପର୍ଶରେ ଆସିଥିଲେ । ଫଳରେ ସେମାନଙ୍କୁ କ୍ବାରେଣ୍ଟାଇନରେ ରଖିବାକୁ ନିଷ୍ପତ୍ତି ନିଆଯାଇଛି । ଏଥିରୁ ସ୍ପଷ୍ଟ ହୋଇଛି ଯେ ଆମେରିକାର ସୁରକ୍ଷିତ ବିଲ୍ଡିଂରେ କାର୍ଯ୍ୟ କରୁଥିବା କର୍ମଚାରୀମାନେ ମଧ୍ୟ ସୁରକ୍ଷିତ ନୁହଁନ୍ତି । ଏହି ତିନି ଜଣ ହେଉଛନ୍ତି ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଆଲର୍ଜିର ନିର୍ଦ୍ଦେଶକ ଆନ୍ଥୋନି ଫୋସି, ରୋଗ ନିୟନ୍ତ୍ରଣ ନିର୍ଦ୍ଦେଶକ ରବର୍ଟ ରେଡଫିଲ୍ଡ ଏବଂ ଏଫଡିଏର କମିଶନର ଷ୍ଟିଫେନ୍ ହନ୍ । ଏହି ତିନି ଜଣ ବ୍ୟକ୍ତି ଆମେରିକାର ସ୍ୱାସ୍ଥ୍ୟ କ୍ଷେତ୍ରରେ ଉଚ୍ଚ ପଦାଧିକାରୀ ଅଟନ୍ତି । ଯଦିଓ ଏମାନଙ୍କ ପରୀକ୍ଷଣରେ କୋରୋନା ସଂକ୍ରମିତ ହୋଇଥିବା ଜଣାପଡି ନାହିଁ ।
ବର୍ତ୍ତମାନ ଆମେରିକାରେ କୋରୋନା ରୋଗୀଙ୍କ ସଂଖ୍ୟା 1.3 ମିଲିୟନ ହୋଇଥିବା ବେଳେ ମୃତ୍ୟୁସଂଖ୍ୟା 79 ହଜାର ଅତିକ୍ରମ କରିସାରିଛି । ଯଦିଓ ଏଠାରେ ପ୍ରାୟ 2 ଲକ୍ଷ ଲୋକ ଚିକିତ୍ସା ପରେ ଆରୋଗ୍ୟ ଲାଭ କରିଛନ୍ତି ।