ଲଣ୍ଡନ: ପ୍ରିନ୍ସ ୱିଲିୟମ ଓ ପତ୍ନୀ ଡଚେସ୍ କ୍ୟାଥେରିନ ସମସ୍ତଙ୍କୁ କୋଭିଡ ଟିକା ନେବା ପାଇଁ ଆହ୍ବାନ ଦେଇଛନ୍ତି । ଏହାସହ ଟିକାକୁ ନେଇ ହେଉଥିବା ଗୁଜବଠାରୁ ଦୂରେଇ ରହିବାକୁ ସେ ଅନୁରୋଧ କରିଛନ୍ତି । ଟିକା ବିଷୟରେ ପ୍ରଚାର କରାଯାଉଥିବା ଭୁଲ ତଥ୍ୟକୁ ଅଣଦେଖା କରିବାକୁ ମଧ୍ୟ ଲୋକଙ୍କୁ ଅନୁରୋଧ କରିଛନ୍ତି।
ପ୍ରିନ୍ସ କହିଛନ୍ତି, ‘ମୁଁ ଆଉ ମୋ ପତ୍ନୀଙ୍କ ପାଖରେ ଡାକ୍ତରୀ ଜ୍ଞାନ ନାହିଁ ସତ କିନ୍ତୁ ଆମେ ଏହାକୁ ସମର୍ଥନ କରୁଛୁ । ଆମେ ଅନେକ ଲୋକଙ୍କ ସହ ଟୀକାକରଣ ସମ୍ପର୍କରେ ଆଲୋଚନା କରିଛୁ । ସେମାନଙ୍କୁ ଟିକା ନେବା ପାଇଁ ଅନୁରୋଧ କରିଛୁ । ଏହାକୁ ଯୁବପିଢିଙ୍କ ପାଖରେ ପହଞ୍ଚେଇବା ଉଚିତ୍, ସେମାନଙ୍କୁ ସଚେତନ କରେଇବା ଜରୁରୀ । ଏହା ଯୁବପିଢିଙ୍କ ପାଇଁ ଜରୁରୀ ’ ।