ଓ୍ବାଶିଂଟନ:ବନ୍ଧୁକ ମୁନରେ ତାଲିବାନ ଆଫଗାନିସ୍ତାନକୁ ଦଖଲ କରିବା ପରେ କ୍ରମଶଃ ଦେଶ ଛାଡି ପଳାଇବା ପାଇଁ ବିମାନ ବନ୍ଦରରେ ଭିଡ ଲାଗି ରହିଛି । ଏହାରି ମଧ୍ୟରେ ଗୁରୁବାର ଦିନ ହୋଇଥିଲା ଆତ୍ମଘାତୀ ବିସ୍ଫୋରଣ । ଯେଉଁଥିରେ ମୃତ୍ୟୁ ସଂଖ୍ୟା ୧୦୦ ପାର କରିଥିବା ବେଳେ ଆହାତଙ୍କ ସଂଖ୍ୟା ୧୫୦ ପାର କରିଛି । ଏହାରି ମଧ୍ୟରେ ବି ଏବେ ଅନ୍ୟ ଦେଶ ଗୁଡିକ ନିଜ ଦେଶର ନାଗରିକଙ୍କୁ ସ୍ଥାନାନ୍ତରଣ କରୁଛନ୍ତି । କାହିଁକିନା ଆସନ୍ତା ୩୧ ତାରିଖ ପରଠାରୁ ଏହି ସ୍ଥାନାନ୍ତରକୁ ବନ୍ଦ କରିଦେବ ତାଲିବାନ ।
ଏହାରି ମଧ୍ୟରେ ଗତକାଲି ୧୨ ଘଣ୍ଟା ମଧ୍ୟରେ ଅତି କମରେ ୪ହଜାର ୨୦୦ ଲୋକଙ୍କୁ କାବୁଲରୁ ସ୍ଥାନାନ୍ତରଣ କରାଯାଇଥିବା ହ୍ବାଇଟହାଉସ ତରଫରୁ ସୂଚନା ମିଳିଛି । ଅଗଷ୍ଟ ୧୪ ପରଠାରୁ ଆଫଗାନିସ୍ତାନରୁ ପ୍ରାୟ ୧ ଲକ୍ଷ ୯ ହଜାର ୨୦୦ ଲୋକଙ୍କୁ ସ୍ଥାନାନ୍ତର କରିବାରେ ଆମେରିକା ସାହାଯ୍ୟ କରିଛି ବୋଲି ଏକ ବିବୃତ୍ତିରେ ହ୍ବାଇଟହାଉସ କହିଛି । ଅନ୍ୟପଟେ ଆମେରିକାର ପେଣ୍ଟାଗନ କହିଛି ଯେ ପ୍ରାୟ ୫,୪୦୦ ବ୍ୟକ୍ତି ବିମାନବନ୍ଦରରେ ଆଫଗାନିସ୍ତାନରୁ ବିମାନ ଉଡାଣ ପାଇଁ ଅପେକ୍ଷା କରିଛନ୍ତି ।