ୱାଶିଂଟନ: କୋରିଆନ ଟେକ ଜାଏଣ୍ଟ ସାମସଙ୍ଗ ଏବେ ନିଜ ୟୁଜର୍ସଙ୍କ ପାଇଁ ଆଣିଛି ନୂଆ ଫିଚର । ଏବେ ଗ୍ୟାଲାକ୍ସିର ସ୍ମାର୍ଟୱାଚ୍ରେ ୟୁଜର୍ସ କରିପାରିବେ ନିଜ ସ୍ବାସ୍ଥ୍ୟ ପରୀକ୍ଷା । ଘରେ ବସି ନିଜ ସ୍ମାର୍ଟୱାଚ୍ରେ ରକ୍ତଚାପ ମାପିପାରିବେ ସାମସଙ୍ଗ ୟୁଜର୍ସ । ଗୁରୁବାର ଏନେଇ କମ୍ପାନୀ ସୂଚନା ଦେଇ ନୂଆ ହେଲଥ ମନିଟରିଂ ଆପ୍ ଲଞ୍ଚ କରିଥିବା ନେଇ ସ୍ପଷ୍ଟ କରିଛି ।
ଏହି ଘୋଷଣା ମୁତାବକ ଦକ୍ଷିଣ କୋରିଆରେ ଗ୍ୟାଲାକ୍ସି ୱାଚ୍ ଆକ୍ଟିଭ 2 ସ୍ମାର୍ଟୱାଚ୍ରେ ଏହି ନୂଆ ଆପ୍କୁ ରୋଲ ଆଉଟ କରାଯାଇଛି । ଏହାର ବ୍ୟବହାର କରି ଘରେ ବସି ୟୁଜର୍ସ ନିଜ ରକ୍ତଚାପ ମାପିପାରିବେ । ଏଥିସହ ଆବଶ୍ୟକସ୍ଥଳେ ଜରୁରୀ ଡାକ୍ତରୀ ଟିପ୍ସ ମଧ୍ୟ ପାଇପାରିବେ । ଏହାପୂର୍ବରୁ କମ୍ପାନୀ ଏହି ଆପ୍ର ଲଞ୍ଚିଂ ବର୍ଷର ତୃତୀୟ ତୈମାସିକରେ କରିବା ନେଇ ଘୋଷଣା କରିଥିଲା । ହେଲେ ଏହାକୁ ସମୟର ଢେର ପୂର୍ବରୁ ଲଞ୍ଚ କରି ଲକଡାଉନରେ ନିଜ ୟୁଜର୍ସଙ୍କୁ ଗିଫ୍ଟ ଦେଇଛି ସାମସଙ୍ଗ ।