ନ୍ୟୁୟର୍କ: କିଛି ଦିନ ତଳେ ନ୍ୟୁୟର୍କର କିଛି ଡାକ୍ତରଖାନାରେ କମିଥିଲେ ଆକ୍ରାନ୍ତ ଭର୍ତ୍ତିର ମାତ୍ରା । ଯାହାକୁ ନେଇ ଖୁସି ପ୍ରକାଶ କରି ଏହାକୁ ଏକ ସକାରାତ୍ମକ ସଙ୍କେତ ବୋଲି କହିଥିଲେ ନ୍ୟୁୟର୍କର ଡାକ୍ତର । ଆଉ ପରିପ୍ରକାଶର ମାତ୍ର ଦିନ କେଇଟା ପରେ ପୁଣି ମୁଣ୍ଡ ଟେକିଛି କୋରୋନାର ପ୍ରଭାବ । ବିଗତ 24 ଘଣ୍ଟାରେ ନ୍ୟୁୟର୍କରେ ନୂଆ 5695ଟି ମାମଲା ସାମ୍ନାକୁ ଆସିଛି । ଏଥିସହ ଏହା ଆକ୍ରାନ୍ତଙ୍କ ସଂଖ୍ୟାରେ ଚୀନ ଓ ୟୁକେକୁ ପଛରେ ପକାଇଛି ।
ଏହା ଏକ ଖୁସି ନୁହେଁ ବରଂ ଚିନ୍ତାର ବିଷୟ । କିଛି ଦିନ ତଳେ ଏହି ସଂଖ୍ୟା କମିଥିବା ବେଳେ ପୁଣି ବଢିଛି ଆକ୍ରାନ୍ତ ସଂଖ୍ୟା । ବର୍ତ୍ତମାନ କେବଳ ନ୍ୟୁୟର୍କରେ 1,04,410 ଜଣ କୋଭିଡ-19 ପଜିଟିଭ ଚିହ୍ନଟ ହୋଇଛନ୍ତି । ଯେବେ କି ଚୀନରେ 85,208, ୟୁକେରେ 83,135 ଓ ଇରାନରେ 71, 686 ଜଣ କୋରୋନାରେ ଆକ୍ରାନ୍ତ ଥିବା ଚିହ୍ନଟ ହୋଇଛନ୍ତି ।