ନ୍ୟୁୟର୍କ: ଆରମ୍ଭ ହୋଇଛି ଆପଲର ୱାର୍ଲଡ ୱାଇଡ ଡେଭେଲପର୍ସ କନଫରେନ୍ସ (ଡବ୍ଲୁଡବ୍ଲୁଡିସି) 2020 । କୋରୋନା ସଂକ୍ରମଣ ପାଇଁ ଅନଲାଇନ ପ୍ଲାଠଫର୍ମରେ ଏହି କାର୍ଯ୍ୟକ୍ରମ ଜୁନ 22ରୁ ଆରମ୍ଭ ହୋଇ ଜୁନ 26 ସରିବା ନେଇ ଜଣା ପଡିଛି । ଆୟୋଜିତ ଏହି ଇଭେଣ୍ଟରେ ମଙ୍ଗଳବାର କମ୍ପାନୀ ଆଇଓଏସ 14ର ଏକ ନୂଆ ଫିଚର ଘୋଷଣା କରିଛି । ଏହି ଫିଚର ଦ୍ବାରା କାର୍ ପରିଚାଳିତ କରିପାରିବର କ୍ଷମତା ରହିଥିବା କମ୍ପାନୀ ସ୍ପଷ୍ଟ କରିଛି ।
ସୂଚନା ମୁତାବକ ଆଇଫୋନରେ ରୋଲ ଆଉଟ ହେବାକୁ ଯାଉଛି କାର କି ଅପ୍ସନ । 2021 ବିଏମଡବ୍ଲୁ 5 ସିରିଜରେ ଏହାର ବ୍ୟବହାର କରାଯିବା ନେଇ ସୂଚନା ରହିଛି । ଏହା ବ୍ୟତୀତ ଆପ୍ ଲଞ୍ଚ ହେବା ପରେ ଏଥିରେ କଣ୍ଟାକ୍ଟ ଇଣ୍ଟିଗ୍ରେସନ ଓ ଡକ୍ୟୁମେଣ୍ଟ ସେଭ ଆଦି ଅପ୍ସନ ଆଡ ହେବା ନେଇ ଜଣା ପଡିଛି ।
ଏହି ଫିଚର ବ୍ୟବହାର ଦ୍ବାରା ଆଉ ୟୁଜର୍ସଙ୍କୁ କାରର ଚାବି ସବୁବେଳେ ପାଖରେ ରଖିବାକୁ ପଡିବ ନାହିଁ । କାରର ଚାବି ଏକ ଗୁରୁତ୍ବପୂର୍ଣ୍ଣ ଦାୟିତ୍ବ ହୋଇଥିବା ବେଳେ ଏହା ଥରେ ହଜିଗଲେ ଅନେକ ଅସୁବିଧାର ସମ୍ମୁଖୀନ ହେବାକୁ ପଡିଥାଏ । ହେଲେ ଏବେ ନୂଆ ଏନଏଫସି ସିଷ୍ଟମ ଦ୍ବାରା କେବଳ କାରର ହ୍ୟାଣ୍ଡେଲକୁ ଟ୍ୟାପ କରିବା ଦ୍ବାରା ଗାଡିକୁ ଅନଲକ କରାଯାଇପାରିବ ।
ଏହି ନୂଆ ଟେକ୍ନୋଲୋଜି ଦ୍ବାରା ୟୁଜର୍ସଙ୍କୁ ଚାର୍ଜିଂ ପ୍ୟାଡରେ ଲଗାଇବାକୁ ହେବ । ଏହାପରେ ଇଞ୍ଜିନ ଷ୍ଟାର୍ଟ ଓ ଷ୍ଟପ ବଟନକୁ ପ୍ରେସ କରନ୍ତୁ । ଏଥିରେ ଏକ ଭଲ କଥା ହେଉଛି କାରର ମାଲିକ ଏହି ସିଷ୍ଟମକୁ ଅନ୍ୟ ଆଇଫୋନ ୟୁଜର୍ସଙ୍କ ସହ ଶେୟାର କରିପାରିବେ । ସେହି ବ୍ୟକ୍ତି ଯେତେ ବି ଦୂରରେ ଥାଆନ୍ତୁ ନା କାହିଁକି ଏହି ସିଷ୍ଟମକୁ ସହଜରେ ଶେୟାର କରାଯାଇପାରିବ ।
@IANS
