ସାନ ଫ୍ରାନ୍ସିସ୍କୋ: ଫେସବୁକ ଓ ଇନଷ୍ଟାଗ୍ରାମରୁ ବିଜ୍ଞାପନ ବନ୍ଦ କରିଛନ୍ତି ହଜାର ହଜାର ସଂସ୍ଥା । ହେଲେ ଏଥିରେ କମ୍ପାନୀ ସିଇଓ ମାର୍କ ଜ୍ୟୁକରବର୍ଗ ମୁଣ୍ଡ ନୁଆଁଇବା ବଦଳରେ ସମସ୍ତ ବିଜ୍ଞାପନ ସଂସ୍ଥା ପୁଣି ପ୍ଲାଟଫର୍ମକୁ ଫେରିବେ ବୋଲି ଆଶା ପ୍ରକାଶ କରିଛନ୍ତି । ପ୍ରକାଶିତ ଏକ ରିପୋର୍ଟ ମୁତାବକ ମାର୍କ ନିଜ କର୍ମଚାରୀଙ୍କୁ କହିଛନ୍ତି କି ସେ କୌଣସି ବିଜ୍ଞାପନ ସଂସ୍ଥା ଆଗରେ ମୁଣ୍ଡ ନୁଆଁଇବା ପାଇଁ ସେ ରାଜି ନାହାନ୍ତି ।
ସେ ଏହା ମଧ୍ୟ କହିଛନ୍ତି କି ବିଜ୍ଞାପନ ସଂସ୍ଥାଙ୍କ ସୁବିଧା ପାଇଁ ସେମାନଙ୍କ ଦାବି ପୂରଣ କରିବା ଭଳି କମ୍ପାନୀ କୌଣସି ପଦକ୍ଷେପ ନେବ ନାହିଁ । ଏଥିସହ କମ୍ପାନୀ ରେଭେନ୍ୟୁର କୌଣସି ଅଂଶ ଏହି ବିଜ୍ଞାପନ ସଂସ୍ଥାଗୁଡିକୁ ଦିଆଯିବ ନାହିଁ ବୋଲି ମଧ୍ୟ ଜ୍ୟୁକରବର୍ଗ କହିଛନ୍ତି । ତେବେ ଫେସବୁକରେ 25ଟି ବିଜ୍ଞାପନ ସଂସ୍ଥା ଅର୍ଥ ବିନିଯୋଗ କରୁଥିବା ବେଳେ ସେଥିରୁ କେବଳ ମାଇକ୍ରୋସଫ୍ଟ, ଷ୍ଟାରବକ୍ସ ଓ ପିଫିଜର ହିଁ ନିଜ ବିଜ୍ଞାପନ ବନ୍ଦ ନେଇ ବିଧିବଦ୍ଧ ଘୋଷଣା କରିଛନ୍ତି ।