ୱାଶିଂଟନ : ଆମେରିକାରେ ଅଣାୟତ ହେବାରେ ଲାଗିଛି କୋରୋନା ସଂକ୍ରମଣର ମାମଲା । ଯାହାକୁ ନେଇ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପ୍ରଶାସନକୁ କଡା ସମାଲୋଚନା କରିଛନ୍ତି ଫେସବୁକ ସିଇଓ ମାର୍କ ଜୁକରବର୍ଗ । ବିକାଶଶୀଳ ଦେଶ ତୁଳନାରେ ଆମେରିକା କୋରୋନା ପରିଚାଳନାରେ ବିଫଳ ହୋଇଛି ବୋଲି ସେ କହିଛନ୍ତି ।
କୋରୋନା ମୁକାବିଲାରେ ବିଫଳତାକୁ ନେଇ ଟ୍ରମ୍ପ ପ୍ରଶାସନକୁ କଡା ନିନ୍ଦା କରି ଜୁକରବର୍ଗ କହିଛନ୍ତି, ବିଶ୍ବର ଅନ୍ୟ ବିକଶିତ ଦେଶ କୋରୋନା ସଂକ୍ରମଣ ରୋକିବାରେ ସଫଳ ହେଉଛନ୍ତି । ସେମାନେ ନିଜ ଦେଶର ସଂକ୍ରମଣ ସଂଖ୍ୟାରେ ନିୟନ୍ତ୍ରଣ ଲଗାଉଛନ୍ତି । କିନ୍ତୁ ଆମେରିକା ଏଥିରେ ବିଫଳ ହୋଇଛି । ଆମେରିକାରେ ପ୍ରତିଦିନ କୋରୋନା ସଂକ୍ରମଣର ନୂଆ ରେକର୍ଡ ସାମ୍ନାକୁ ଆସୁଛି ବୋଲି ସେ କହିଛନ୍ତି ।