ନ୍ୟୁୟର୍କ: ଅପଷ୍ଟେଟ ନ୍ୟୁୟର୍କର ଏକ ବିରାଟ ସମାବେଶରେ ବନ୍ଧୁକଧାରୀ ଦୁର୍ବୃତ୍ତଙ୍କ ଆଖିବୁଜା ଗୁଳି ଚାଳନା । ଜଣେ କିଶୋର ସମେତ 9 ଜଣ ଗୁରୁତର ଆହତ । ଶନିବାର ବିଳମ୍ବିତ ରାତିରେ ଘଟଣାଟି ଘଟିଛି । ଘଟଣାର ଯାଞ୍ଚ କରୁଛି ସିଟି ପୋଲିସ ।
ସୂଚନାଯୋଗ୍ୟ, ଘଟଣାସ୍ଥଳରେ ପୋଲିସ ପହଞ୍ଚିବା ପରେ ଶହ ଶହ ଲୋକେ ଜୀବନ ବିକଳରେ ଦୌଡାଦୌଡି କରୁଥିଲେ । ଘଟଣାସ୍ଥଳରେ ଉପସ୍ଥିତି ଥିବା କିଛି ଲୋକେ ଗୁଳି ଚାଳନା ହୋଇଥିବା ନେଇ ପୋଲିସ ନିକଟରେ ଅଭିଯୋଗ କରିଥିଲେ। କିନ୍ତୁ ସିରାକ୍ୟୁସ୍ ପୋଲିସ ମୁଖ୍ୟ କିଣ୍ଟନ ବକନର କୌଣସି ଶବ୍ଦ ଶୁଣିନଥିବା କହିଛନ୍ତି ।
ପୋଲିସ ଆହୁରି ବି କହିଛି, ଏହା କେଉଁ ପ୍ରକାର ସମାବେଶ ତାହା ସ୍ପଷ୍ଟ ହୋଇପାରୁନାହିଁ । ଘଟଣାସ୍ଥଳରେ 9 ଜଣ ଗୁରୁତରଙ୍କୁ ଉଦ୍ଧାର କରାଯାଇଥିଲା । ଜଣେ 17 ବର୍ଷୀୟ ବାଳକର ମୁଣ୍ଡରେ ଗୁଳି ବାଜିଥିବାବେଳେ ତାକୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି । ସମସ୍ତ ଆହତଙ୍କ ବୟସ 17ରୁ 53 ବର୍ଷ ହେବ ବୋଲି ଜଣାପଡିଛି ।
ସେପଟେ, ଏହି ସମାବେଶ ବିଷୟରେ ପୋଲିସକୁ କୌଣସି ଖବର ନଥିବାବେଳେ, ଏତେ ମାତ୍ରାରେ ଲୋକଙ୍କ ସମାବେଶ ପାଇଁ ଅନୁମତି ମଧ୍ୟ ଦିଆଯାଇନାହିଁ । ତେଣୁ ସେ ନେଇ ବର୍ତ୍ତମାନ ଯାଞ୍ଚ ଚାଲିଛି ବୋଲି ସିରାକ୍ୟୁସ୍ ମେୟର ବେନ ୱାଲସ କହିଛନ୍ତି ।
@ANI
