ନୂଆଦିଲ୍ଲୀ: ବର୍ଷ 2020 ପାଇଁ କାଳ ସାଜିଛି କୋରୋନା। ଏବେ ସୁଦ୍ଧା ଦୀର୍ଘ 5 ମାସ ବିତିଯାଇଥିଲେ ମଧ୍ୟ ମହାମାରୀର ଘନଘଟାରେ ଲୋକେ ଅଣନିଶ୍ବାସୀ। ହୁ ହୁ ବିସ୍ତାର ଲାଭ କରୁଛି ଏହି ମାରାତ୍ମକ ମହାମାରୀ। ପ୍ରଥମେ ସଂକ୍ରମିତ ବ୍ୟକ୍ତି ଛିଙ୍କ, କାଶ ସହ ସମାଜିକ ଦୂରତ୍ବ ଅବଲମ୍ବନ କରିବାକୁ ପଡୁଥିବାବେଳେ ବର୍ତ୍ତମାନ ଏହି ଭାଇରସ ବାୟୁରେ ମଧ୍ୟ ନିଜର ଉପସ୍ଥିତି ଜାହିର କଲାଣି। ତେବେ ବିଶ୍ବରେ ପରିସ୍ଥିତି ଦିନକୁ ଦିନକୁ ବିଗୁଡୁଥିବା ବେଳେ ବିଶ୍ବ ସ୍ବାସ୍ଥ୍ୟ ସଙ୍ଗଠନ ମଧ୍ୟ ଚେତାବନୀ ଜାରି କଲାଣି। ସମଗ୍ର ବିଶ୍ବରେ ଏବେ 13,006,764 ମିଲିୟନ ଲୋକେ କୋରୋନା ସଂକ୍ରମିତ ହୋଇଥିବା ବେଳେ 5.72 ଲକ୍ଷ ମୃତ୍ୟୁବରଣ କରିଛନ୍ତି ବୋଲି ଜନ ହପକିନ୍ସ ବିଶ୍ବବିଦ୍ୟାଳୟ ପକ୍ଷରୁ ସୂଚନା ମିଳିଛି।
ଯୁକ୍ତରାଷ୍ଟ୍ର ଆମେରିକାରେ ସଂକ୍ରମିତଙ୍କ ସଂଖ୍ୟା 34.14 ମିଲିୟନ ଅତିକ୍ରମ କରିଛି ଏବଂ ଫ୍ଲୋରିଡା ପରି ପ୍ରଦେଶଗୁଡ଼ିକ ପୁଣି ସାମାଜିକ ଦୂରତା ବାଧ୍ୟତାମୂଳକ କରିଛନ୍ତି। ଜାପାନର ଏକ ଦ୍ୱୀପରେ ଥିବା 23 ଜଣ ଆମେରିକୀୟ ସୈନିକ ମଧ୍ୟ କୋରୋନା ସଂକ୍ରମଣରେ ଅଭିଯୋଗ କରିଛନ୍ତି।