ହାଇଦ୍ରାବାଦ:ବିଦେଶ ମାଟିରେ ମହାପ୍ରଭୁ ଶ୍ରୀ ଜଗନ୍ନାଥଙ୍କ ପରମ୍ପରା ସମ୍ପର୍କିତ ଆଲୋଚନା ଚକ୍ର ଆୟୋଜିତ । ଆମେରିକାର ଫ୍ଲୋରିଡ଼ା ରାଜ୍ୟରେ ବସବାସ କରୁଥିବା ଓଡିଆମାନଙ୍କୁ ନେଇ ଗଠିତ ଅନୁଷ୍ଠାନ ‘ଫ୍ଲୋରିଆ’ ତରଫରୁ ପ୍ରଭୁ ଜଗନ୍ନାଥ ସଂସ୍କୃତି ଓ ଚେତନା ସମ୍ପର୍କିତ ଏକ ଆଲୋଚନା ଚକ୍ର ଆୟୋଜନ କରାଯାଇଥିଲା । ପୃଥିବୀର କୋଣ ଅନୁକୋଣରେ ବସବାସ କରୁଥିବା ପ୍ରାୟ 300 ଊର୍ଦ୍ଧ୍ବ ପ୍ରବାସୀ ଓଡିଆ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ।
ଅନଲାଇନ ମାଧ୍ୟମରେ ହେଉଥିବା ଏହି ଆଲୋଚନା ଚକ୍ରରେ ଓଲିଉଡ୍ ଅଭିନେତା ମିହିର ଦାସ ମୁଖ୍ୟ ଅତିଥି ଭାବେ ଏବଂ ଗୁରୁକୁଳ ବେଦ ପାଠଶାଳାର ଅଧ୍ୟାପକ ପଣ୍ଡିତ ସୂର୍ଯ୍ୟ ନାରାୟଣ ଦାସ ଶର୍ମା ମୁଖ୍ୟ ବକ୍ତା ଭାବେ ଯୋଗ ଦେଇଥିଲେ । ଓଡିଶାର ପରମ୍ପରା ତଥା ସଂସ୍କୃତିକୁ ପ୍ରବାସୀ ଓଡିଆମାନେ କିପରିଭାବେ ବିଶ୍ବ ଦରବାରରେ ପହଞ୍ଚାଇ ପାରିଛନ୍ତି, ତାହା ଉପରେ ଆଲୋକପାତ କରିଥିଲେ ମିହିର ଦାସ ।