ନୂଆଦିଲ୍ଲୀ: ସାରା ବିଶ୍ବରେ ଏବେ ବି ଜାରି ରହିଛି ମହାମାରୀ କୋରୋନା ସଙ୍କଟ । ସଂକ୍ରମଣ ବୃଦ୍ଧି ମଧ୍ୟରେ ଭ୍ୟାକ୍ସିନ ଉପରେ ରହିଛି ସମସ୍ତଙ୍କ ଆଶା । ତେବେ ବ୍ରିଟେନ ପରେ ଆମେରିକାରେ ମଧ୍ୟ ଆରମ୍ଭ ହୋଇଯାଇଛି ଟୀକା କରଣ । ଆମେରିକାରେ କୋରୋନା ଟୀକାର ପ୍ରଥମ ଡୋଜ ଦିଆଯାଇଛି । ଏନେଇ ଟ୍ବିଟ କରି ଆମେରିକା ଓ ବିଶ୍ବବାସୀଙ୍କୁ ଶୁଭେଚ୍ଛା ଜଣାଇଛନ୍ତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ।
ଗଣମାଧ୍ୟମର ରିପୋର୍ଟ ଅନୁଯାୟୀ ନ୍ୟୁୟର୍କରେ ସ୍ବାସ୍ଥ୍ୟକର୍ମୀଙ୍କୁ ଫାଇଜରର ପ୍ରଥମ ଡୋଜ ଦିଆଯାଇଛି । ଆମେରିକା ଔଷଧ କମ୍ପାନୀ ଫାଇଜର ଓ ଜର୍ମାନୀର ବାୟୋଏନଟେକ ପକ୍ଷରୁ ବିକଶିତ କୋଭିଡ ଟୀକାକୁ ବର୍ତ୍ତମାନସୁଦ୍ଧା ବ୍ରିଟେନ, କାନାଡା, ବାହରିନ, ସିଙ୍ଗାପୁରରେ ଦିଆଯାଇସାରିଛି । ଆମେରିକାରେ ମଧ୍ୟ ଏହି ଟୀକାକୁ ମିଳିଥିଲା ମଞ୍ଜୁରୀ ।