ୱାଶିଂଟନ:ସ୍କୁଲସ୍ତରୀୟ ଫୁଟ୍ବଲ୍ ମ୍ୟାଚ୍ ଚାଲିଥିବା ସମୟରେ ଖେଳାଳିଙ୍କ ଉପରେ ଦୁର୍ବୃତ୍ତଙ୍କ ଆଖିବୁଜା ଗୁଳିମାଡ । ୪ ଜଣ ଆହତ ହୋଇଥିବା ସୂଚନା । ସମସ୍ତଙ୍କୁ ଡାକ୍ତରଖାନାରେ ଭର୍ତ୍ତି । ଆହତଙ୍କ ମଧ୍ୟରୁ ୨ ଜଣ ନାବାଳକ ମଧ୍ୟ ଅଛନ୍ତି ।
ଗତକାଲି(ଶୁକ୍ରବାର) ରାତିରେ ଏକ ହାଇସ୍କୁଲ ତରଫରୁ ଫୁଟ୍ବଲ୍ ମ୍ୟାଚ୍ ଚାଲିଥିବା ସମୟରେ ଆମେରିକାର ଏଲବାମା ସହରରେ ଘଟିଛି ଏହି ଅଘଟଣ ।ଏଥିରେ ପ୍ରାୟ ୪ ଜଣ ଆହତ ହୋଇଛନ୍ତି । ଗୁଳିମାଡ ସମୟରେ ଖେଳାଳିମାନେ ଭୟରେ ମ୍ୟାଚ୍ ଛାଡି ଜୀବନ ବିକଳରେ ଦୌଡି ପଳାଉ ଥିବାର ଏକ ଭିଡିଓ ଭାଇରାଲ ହେଉଛି । ସୁରକ୍ଷା କର୍ମୀମାନେ ଖେଳାଳିଙ୍କୁ ପଡ଼ିଆରୁ ବାହାରକୁ ନେଇଛନ୍ତି ।