ନ୍ୟୁୟର୍କ: ଯୁକ୍ତରାଷ୍ଟ୍ର ଆମେରିକା ସ୍ଥିତ ଫୁଡ ଆଣ୍ଡ ଡ୍ରଗ ଆଡମିନିଷ୍ଟ୍ରେସନ ଗୁରୁବାର ସ୍ପନ ସିନ୍ଥେଟିକ ସ୍ବାବକୁ କୋରୋନା ପରୀକ୍ଷା ପାଇଁ ବ୍ୟବହାର କାରଯାଇପାରିବ ବୋଲି କହିଛି । ଏଥିରେ ନାକର ଅଗ୍ର ଭାଗରୁ ନମୁନା ସଂଗ୍ରହ କରି କରାଯିବ ପରୀକ୍ଷା ।
ଏହାଦ୍ବାରା ରୋଗୀ ନିଜେ ନିଜର ନମୁନା ସଂଗ୍ରହ କରି ପାରିବ । ଯାହାଫଳରେ ସ୍ବାସ୍ଥ୍ୟକର୍ମୀ ରୋଗୀଙ୍କ ନମୁନା ସଂଗ୍ରହ କରିବାକୁ ହେବ ନାହିଁ ଓ ସେମାନେ ତାଙ୍କ ସମ୍ପର୍କରେ ଆସିବା କମ ହେବ, ବୋଲି ଏଫଡିଏ କହିଛି ।
ଯୁକ୍ତରାଷ୍ଟ୍ର ଆମେରିକାରେ କୋଭିଡ-19ର ପରିଣାମ ଅଧିକ ଭୟଙ୍କର ହେବାରେ ଲାଗିଛି । କୋରୋନା କାରଣରୁ ଆମେରିକାରେ 30 ହଜାର 962 ଜଣଙ୍କର ମୃତ୍ୟୁ ହୋଇଥିବା ବେଳେ 6ଲକ୍ଷ 36ହଜାର 937 ଜଣ ଆକ୍ରାନ୍ତ ହୋଇଛନ୍ତି ।
‘ନୂତନ ପଲିଷ୍ଟର ସ୍ବାବକୁ ବହୁଳ ମାତ୍ରାରେ ଉତ୍ପାଦନ କରିବ ବୋଲି କହିଛି ୟୁଏସ କଟନ । ଯାହାଦ୍ବାରା କୋରୋନା ପରୀକ୍ଷା ଯେତେ ମାତ୍ରାରେ ଦରକାର ତାହା ହୋଇ ପାରିବ ।
ପରୀକ୍ଷା ପାଇଁ ସ୍ପନ ସିନ୍ଥେଟିକ ସ୍ବାବ ବ୍ୟବହାର ହୋଇପାରିବ ବୋଲି ଏଫଡିଏ, ୟୁନାଇଟେଡ ହେଲ୍ଥ ଗ୍ରୁପ, ଗେଟ୍ସ ଫାଉଣ୍ଡେସନ, ଓ କ୍ବାଣ୍ଟିଜେନର ମିଳିତ କ୍ଲିନିକାଲ ଅନୁସନ୍ଧାନ କରିଥିଲେ ।