ନ୍ୟୁୟର୍କ: ବାୟୁର ଧୂଳିକଣାରେ କୋରୋନା ଭୂତାଣୁ ରହିବାର ଅନେକ ସୁଯୋଗ ରହିଥାଏ । ଛୋଟ ଛୋଟ ଏୟାର ଡ୍ରପଲେଟରେ ଏମାନେ ରହିପାରନ୍ତି ବୋଲି ବୈଜ୍ଞାନିକମାନେ ସୂଚନା ଦେଇଛନ୍ତି । ଫଳରେ ଏହାଦ୍ବାରା ଏମାନେ ସହଜରେ ମଣିଷ ଶରୀରରେ ପ୍ରବେଶ କରିପାରିବେ । ସେଥିପାଇଁ ଖୋଲାରେ ଛିଙ୍କିବା ଅବା କାଶିବା ଉପରେ ରୋକ ଲଗାଯାଇଛି । ତେବେ ବାୟୁରେ ଭୂତାଣୁଙ୍କୁ ବ୍ୟାପିବାରୁ ଅଲଟ୍ରା ଭାଓଲେଟ୍ ରଶ୍ମି ରକ୍ଷା କରିପାରିବ ବୋଲି ନିକଟରେ ଏକ ରିସର୍ଚ୍ଚରୁ ଜଣାପଡିଛି ।
ଏକ ନିର୍ଦ୍ଦିଷ୍ଟ ଅଲଟ୍ରା ଭାଓଲେଟ୍ ରଶ୍ମି ସଂସ୍ପର୍ଶରେ ଆସିଲେ ଏହି ଧୂଳିକଣାରେ ଥିବା 99.9 ପ୍ରତିଶତ ଭୂତାଣୁ ନଷ୍ଟ ହୋଇଯାଆନ୍ତି । ଦୁଇଟି ଭୂତାଣୁକୁ ବାୟୁରେ ଏକାଠି କରି ଏହାକୁ ଏକ ୟୁଭିସି ଲ୍ୟାମ୍ପ ସାମନାରେ ପାସ କରିଥିଲେ ରିସର୍ଚ୍ଚର । ଏଥିରେ ଉଭୟ ଭୂତାଣୁଙ୍କର ମୃତ୍ୟୁ ହୋଇଥିବା ଦେଖିବାକୁ ମିଳିଥିଲା । ମାତ୍ର 8 ମିନିଟରେ 90 ପ୍ରତିଶତ କୋଭିଡ 19 ଭୂତାଣୁ ଏପରି ଭାବେ ନଷ୍ଟ ହୋଇପାରିବେ ବୋଲି ବୈଜ୍ଞାନିକମାନେ କହିଛନ୍ତି ।